រន្ធត់ណាស់! រថយន្ដ Highlender បុករថយន្ដដឹកទឹកកក បណ្ដាលឲ្យស្លាប់៣នាក់និងរងរបួសជាច្រើននាក់ទៀត
ខេត្តកំពង់ស្ពឺ៖ យ៉ាងហោចណាស់មានមនុស្ស៣នាក់និងរងរបួសជាច្រើននាក់នៅក្នុងហតុការគ្រោះថ្នាក់ចរាចរណ៍រវាងរថយន្តហាយឡែនឌ័រ បុកជាមួយរថយន្តដឹកទឹកកក
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង០៥និង១៥នាទីព្រឹកថ្ងៃទី១០ ខែមេសាឆ្នាំ២០១៩ នៅតាមបណ្ដោយផ្លូវជាតិលេខ០៤ ចន្លោះគីឡូម៉ែត្រលេខ ៦៣-៦៤ត្រង់ចំណុចក្រាំងខ្វាវ ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
សមត្ថកិច្ចបានឲ្យដឺងថា ជនរងគ្រោះដែលស្លាប់និងរបួសនៅក្នុងហេតុការគ្រោះខាងរួមមាន ៖ ទី1-ឈ្មោះ ស្រីអូន ភេទស្រី៣០ឆ្នាំ ទីលំនៅភូមិត្នោតថ្មី ឃុំបារាយ ស្រុកបារាយ ខេត្តកំពង់ធំ របួុសធ្ងន់ = ទី2-ឈ្មោះ ម៉ៃ អន ភេទប្រុស អាយុ36 ឆ្នាំរស់នៅ ភូមិត្នោតថ្មី ឃុំបារាយខេត្តកំពងធំ(ស្លាប់)
ទី3-មិនស្គាល់ឈ្មោះ ភេទប្រុស របួុសធ្ងន់
4/មិនស្គាល់ឈ្មោះ ភេទស្រី (ស្លាប់)នៅកន្លែងកើតហេតុ
5/មិនស្គាល់ឈ្មោះ ភេទស្រី ស្លាប់)នៅកន្លែងកើតហេតុ
6/មិនស្គាល់ឈ្មោះ ភេទប្រុស របួុសធ្ងន់ ។
យោងតាមមន្រ្ដីនគរបាលចរាចរណ៍បានបញ្ជាក់ថា មុនកេីត ហេតុមានរថយន្ដ Highlender មួយគ្រឿងពណ៌ ទឹកមាស ពាក់ផ្លាកលេខព្រះសីហនុ 2C-7377 អ្នកបើកបរមានឈ្មោះ នី ភេទប្រុស អាយុ ៣១ ឆ្នាំ មានទីលំនៅ ខេត្តព្រះសីហនុ ទិសដៅពីលិចទៅកើត ខណៈមកដល់ចំណុចខាងលើបានជ្រុលទៅបុកពេញទំហឹងជាមួយរថយន្តដឹកទឹក កក មួយគ្រឿង ម៉ាក ហ៊ីយ៉ាន់ដាយ ពណ៍សពាក់ផ្លាកលេខសេរីចាស់ក.ព8658បើកបររបញ្រ្ចាសទិសដៅគ្នា។ អ្នកបើកបរឈ្មោះ ភាព ភេទប្រុស អាយុ៣៨ឆ្នាំមានទីលំនៅខេត្តកំពង់ស្ពឺ ។ បន្ទាប់ពីកើតហេតុភ្លាមៗអ្នករងរបួសត្រូវបានកម្លាំងសមត្ថកិច្ចជួយសង្គ្រោះយកទៅមន្ទីរពេទ្យខេត្តនិងទៅរាជធានីភ្នំពេញ ដើម្បីសង្គ្រោះ ។
ក្រោយកើតហេតុកំលាំងនគរបាលបាន ធ្វើការវាស់វែងយករថយន្តទាំង២គ្រឿងទៅរក្សាទុកនៅអធិការដ្ឋាននគរបាលស្រុកភ្នំស្រួច ដើម្បីកសាងសំណុំរឿងបញ្ជូនទៅការិយាល័យជំនាញ ចាត់ការតាមនីតិវិធីច្បាប់ ។ ចំណែកសពជនរងគ្រោះត្រូវបានធ្វើកំណត់ហេតុប្រគល់ជូនសាច់ញាតិក្រុមគ្រួសារ យកទៅធ្វើបុណ្យតាមប្រពៃណី ៕
