រន្ធត់ណាស់! បុរសជាអង្គរក្សម្នាក់ជិះម៉ូតូបុកបង្គោលភ្លើងស្លាប់គួរឲ្យសង្វេក
ភ្នំពេញ៖ បុរសម្នាក់ដែលគេស្គាល់ថា ជាអង្គរក្ស លោក អភិបាល ខណ្ឌពោធិសែនជ័យ សង្ស័យស្រវឹងស្រាបានជិះម៉ូតូស្កុបពីរមួយគ្រឿងដឹកស្រាបៀHeiNekenចំនួនពីរកេសនៅខាងមុខបានរេចង្កូងទៅបុកបង្គូលភ្លើងបំភ្លឺផ្លូវកណ្ដាលដួលបោកក្បាលនិងបង្គោលភ្លើងស្លាប់គួរឲ្យរន្ធត់
ហេតុការណ៍នេះកើតឡើងកាលពីវេលាម៉ោង៣និង៣០នាទីទៀបភ្លឺឈានចូលថ្ងៃទី២០ខែមេសាឆ្នាំ២០១៩ នៅចំណុចខាងត្បូង បូរីវិមានភ្នំពេញប្រមាណជា១០០ម៉ែត្រ តាមបណ្តោយផ្លូវ៥៩៨ សង្កាត់ច្រាំងចំរេះ១ ខណ្ឌឬស្សីកែវ។
សពបុរសជនរងគ្រោះមានឈ្មោះ ពុធ សុជាតិ មុខរបអង្គរក្សលោក អភិបាលខណ្ឌពោធិសែនជ័យ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសរងគ្រោះជិះម៉ូតូមួយគ្រឿងម៉ាកស្កុបពីរពណ៌សពាក់ស្លាកលេខភ្នំពេញ1HO-8788ដឹកស្រាបៀរHeiNekenចំនួនពីរកេសនៅខាងមុខម៉ូតូដោយធ្វើដំណើរតាមបណ្ដោយផ្លូវ៥៩៨ទិសដៅពីត្បូងទៅជើង ខណៈមកដល់ចំណុចកើតហេតុខាងលើបានរេចង្កូតទៅខាងឆ្វេងដៃជ្រុលបុកបង្គោលភ្លើងបំភ្លឺផ្លូវចំកណ្តាលទ្រូងផ្លូវដួលបោកបែកក្បាលស្លាប់ក្នុងថ្លុមឈាមយ៉ាងអាណោចអាធម៌។ បើតាមវីដេអូ កាមេរ៉ាសុវត្ថភាពបានបង្ហាញថា ជនរងគ្រោះពិតជាជិះម៉ូតូរេទៅបុកបង្គោលភ្លើងនិងរបាំងថ្មមែន ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុនិងធ្វើកំណត់ហេតុប្រសពជនរងគ្រោះឲ្យសាច់ញាតិយកទៅធ្វើបុណ្យនៅស្រុកកំណើតតាមប្រពៃណី៕
