ជនសង្ស័យម្នាក់ត្រូវបាននគរបាលប៉ុស្តិស្ទឹងមានជ័យ៣ឃាត់ខ្លួនដកហូតថ្នាំញៀនបាន៣កញ្ចប់
ភ្នំពេញ៖ កម្លាំងនគរបាលប៉ុស្តិស្ទឹងមានជ័យ៣ឃាត់ខ្លួនជនសង្ស័យម្នាក់ឆែកឆេរកឃើញថ្នាំញៀនចំនួន៣កញ្ចប់តូច
ហេតុការណ៍នេះបានធ្វើឡើងកាលពីវេលាម៉ោង៥និង៣០នាទី ទាប់ភ្លឺ ថ្ងៃទី២១ខែមេសាឆ្នាំ២០១៩ នៅចំនុចមុខផ្ទះគ្មាន លេខ ផ្លូវ វ៉េងស្រេង ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
លោក ឯម ភារី នាយប៉ុស្តិនគរបាលស្ទឹងមានជ័យ៣ បានឲ្យដឹងថា ជនសង្ស័យដែលឃាត់ខ្លួនមានឈ្មោះ ពៅ ស្រ៊ុន ភេទប្រុស អាយុ១៩ឆ្នាំ មុខរបរ ជាងដែក ស្នាក់នៅផ្ទះជួល ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ ។
លោក ឯម ភារី បានអោយដឹងទៀតថា មុននិងឈានទៅដល់ការឃាត់ខ្លួន ជនសង្ស័យខាងលើនេះគឺកម្លាំងសមត្ថកិច្ចប៉ុស្ត៍នគរបាលស្ទឹងមានជ័យ៣ ព្រមទាំងរូបលោកផ្ទាល់បានដឹកនាំកម្លាំង ល្បាតក្នុងមូលដ្ឋាន ដើម្បីទប់ស្កាត់បទល្មើស និងការពារសុវត្តិភាព ជូនបងប្អូនប្រជាពលរដ្ឋ ខណះៈមកដល់ចំនុចខាងលើ ក៍ប្រទះឃើញ យុវជនសង្ស័យខាងលើ បានដើរ តាមផ្លូវដោយមានការគួរអោយសង្ស័យកម្លាំងសមត្ថកិច្ចរបស់លោក បានឃាត់ខ្លួននិងសុំធ្វើការត្រួតពិនិត្យឆែកឆេរកឃើញ ថ្នាំប្រភេទក្រាម សថ្លាចំនួន៣កញ្ចប់តូចនៅ ក្នុង ហោប៉ៅ របស់ជនសង្ស័យទើបនាំខ្លួនយកទៅធ្វើការសាកសួរនៅ ប៉ុស្តិនគរបាលតែម្តង។ នៅចំពោះមុខសមត្ថកិច្ច ជនសង្ស័យបានសារភាពថា ថ្នាំញៀនទាំងនេះ គឺរូបគេបានទិញ ពីបុរសម្នាក់ទាំងអស់ ក្នុងតំលៃ៥ម៉ឺនរៀល គោលបំណងយកទៅ ប្រើប្រាស់ជាមួយនិង មិត្តភក្ត័ ក៍ត្រូវសមត្ថកិច្ចឃាត់ខ្លួនបានតែម្តង ។
បច្ចុប្បន្ន ជនសង្ស័យរួមទាំងវត្ថុតាំងត្រូវបានសមត្ថកិច្ចកសាងសំណុំរឿងបញ្ជួនខ្លួនទៅអធិការដ្ឋានខណ្ឌមានជ័យ ដើម្បីចាត់ការបន្តតាមនិតិវិធី ៕
