សមត្ថកិច្ចឃាត់ខ្លួនស្ត្រីជាជនសង្ស័យម្នាក់ដកថ្នាំញៀន១០កញ្ចប់តូច
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើ សហការជាមួយកំលាំងអធិការដ្ឋានខណ្ឌមានជ័យ ធ្វើការល្បាតពួនស្ទាក់នៅក្នុងមូលដ្ឋាននិងបានឃាត់ខ្លួនស្ត្រីម្នាក់ដកហូតថ្នាំញៀនបានចំនួន១០កញ្ចប់តូច ៖ ហេតុឃាត់ខ្លួននេះធ្វើឡើងនៅ វេលាម៉ោង០២និង៣០នាទីរសៀលថ្ងៃទី២៨ខែមេសាឆ្នាំ២០១៩នៅ ចំណុចក្នុងសំណង់មិនរៀបរយ ផ្លូវ៦០ម៉ែត្រ ក្រុមទី៨ ភូមិ ព្រែកតាគង់ សង្កាត់ ចាក់អង្រែលើខណ្ឌមានជ័យ រាជធានីភ្នំពេញ ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ ឈ្មោះ ឯក ចិន្តា ភេទ ស្រី អាយុ២៥ ឆ្នាំជនជាតិខ្មែរមុខរបរមិនពិតប្រាកដ ទីលំនៅផ្ទះគ្មានលេខ ផ្លូវលំ ក្រុមទី៨ ភូមិ ព្រែកតាគង់ សង្កាត់ ចាក់អង្រែលើខណ្ឌ មានជ័យ។
សមត្ថកិច្ចបានបន្តថា វត្ថុតាងដែលដកហូតបានរួមមាន៖ ក្រាមពណ៍សថ្លា (សង្ស័យជាគ្រឿងញៀន)ចំនួន១០កញ្ចប់ថង់តូច ។
បច្ចុប្បន្នជនសង្ស័យរួមនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជួនទៅអធិការនគរបាលខណ្ឌមានជ័យចាត់ការបន្តតាមនិតិវិធី ៕
