ចោរថ្លើមធំលួចកាច់.កម៉ូតូប៉ូលិសខណ្ឌដង្កោបានសម្រេចតែគេចមិនរួចត្រូវសមត្ថកិច្ចចាប់ខ្នោះ
ភ្នំពេញ៖ជនសង្ស័យ២នាក់បានធ្វើសកម្មភាពចូលក្នុងផ្ទះលួចកាច់.កម៉ូតូរបស់ប៉ូលិសប៉ុស្ដិ៍ជើងឯក បានសម្រេច រួចព្យាយាមជិះគេចខ្លួនប៉ុន្ដែត្រូវសមត្ថកិច្ចខណ្ឌដង្កោធ្វើការដេញតាមចាប់ឃាត់ខ្លួនបានម្នាក់និងម្នាក់ទៀតជិះម៉ូតូគេចខ្លួនបាត់។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង២និង ៣០នាទីរសៀលថ្ងៃទី១ខែឧសភា ឆ្នាំ២០១៩ នៅចំណុចភូមិ ព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ កិច ឈិន ចិន អាយុ៤៩ឆ្នាំមុខរបររត់ម៉ូតូឌុបនិងកាន់កាតការសែត ឈ្មោះ វីរៈ ជ័យ((ផុតកំណត់))ស្នាក់នៅភូមិ៨ឆោមឃុំកំពុងលួងស្រុកពញ្ញាឭខេត្ដកណ្ដាល ។ ចំណែកជនរងគ្រោះមានឈ្នោះ ណួ វីរះ អាយុ៣១ឆ្នាំមុខរបរ ជាមន្រ្តីនគរបាលប៉ុស្តិ៍ជេីងឯកស្នាក់នៅភូមិព្រែថ្លឹងសង្កាត់ជេីងឯក ខណ្ឌដង្កោ ។
ជនរងគ្រោះបានប្រាប់ឲ្យដឹងថា មុនពេលកើតហេតុនៅវេលាម៉ោង១២ថ្ងៃត្រង់ខ្លួនបានមកពីការពារក្បួនថ្នាក់ដឹកនាំ រួចក៏មកផ្ទះហូបបាយទុកម៉ូតូម៉ាក ស្កុបពីពណ៌ស ពាក់ស្លាកលេខ-នគរបាល1-2493បាននៅក្រោមផ្ទះ រួចក៏ដេកលក់មួយសន្ទុះ លុះដល់វេលាម៉ោងកើតហេតុបានភ្ញាក់ដឹងខ្លួនក៏បានឃើញជនសង្ស័យ ជិះម៉ូតូរបស់ខ្លួនចេញដោយមានបក្ខពួកម្នាក់ទៀតជិះតាមក្រោយ ។
ជនរងគ្រោះបានបន្ដទៀតថា ពេលនោះខ្លួនក៏បា នឡើងវិទ្យុទាក់ទង (ID) ទៅកងកម្លាំងមូលដ្ឋានខណ្ឌដង្កោឲ្យជួយដេញតាមពីក្រោយរហូតដល់ក្បែរប៉ុស្ដិ៍នគរបាលព្រែកកំពឹសតាមបណ្ដោយផ្លូវជាតិលេខ២ ទើបសមត្ថកិច្ចធ្វើការស្ទាក់ចាប់ជនសង្ស័យបានម្នាក់ ចំណែកបក្ខពួកម្នាក់ទៀតឃើញសភាពការមិនស្រួលក៏បានជិះម៉ូតូរត់គេចខ្លួនបាត់ស្រមោល ។
ក្រោយពេលឃាត់ខ្លួនជនសង្ស័យត្រូវបានសមត្ថកិច្ចនាំខ្លួនយកមកកាន់ប៉ុស្ដិ៍នគរបាលព្រែកកំពឹសនិងបានបញ្ជួនមកធ្វើការ សាកសួរនៅប៉ុស្តិនគរបាល ជើងឯក ដើម្បីកសាងសំណុំរឿងចាត់បន្ដតាមនីតិវិធីច្បាប់ ។ ចំណែកម៉ូតូជនរងគ្រោះត្រូវបានប្រគល់ជួនម្ចាស់វិញ ៕
