បើករថយន្តបុករបាំងចែកទ្រូងផ្លូវរងរបួសធ្ងន់ពីនាក់ និងម្នាក់ទៀតរងរបួសស្រាស
ភ្នំពេញ៖ នារីវ័យក្មេងពីរនាក់បានរងរបួសធ្ងន់បែកមុខបែកមាត់ចំណែកម្នាក់ទៀតរងរបួសស្រាល ខណៈបើករថយន្តព្រូសទៅបុកនិងរបាំងថ្មពុះចែកទ្រូងផ្លូវបណ្ដាលឲ្យរថយន្តជាប់និងរបាំថ្មទៅមុខលេងរួច ។
គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង២ និង៣០នាទីរំលង់អាធ្រាតឈានចូលថ្ងៃទី៦ខែឧសភាឆ្នាំ២០១៩ ត្រង់ចំណុចស្តុបក្ដាន់ពីរ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញមាននារីស្រស់ស្អាត់ម្នាក់ និងអ្នករួមដំណើពីនាក់ទៀត បើករថយន្តមួយគ្រឿងម៉ាកព្រូស ពណ៌ស ពាក់ស្លាកលេខ ភ្នំពេញ 2AM-6595 ធ្វើដំណើតាមបណ្ដោយផ្លូវសហព័ន្ធរុស្សុី ក្នុងទិសដៅពីកើតទៅលិច យ៉ាងលឿន លុះមកដល់កន្លែងកើតហេតុ ក៏រេបង្កូតមកខាងឆ្វេងជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យរថយន្តរងការខូចខាតខាងមុខយ៉ាងដំណំ ។ ចំណែកអ្នកបើកបរនិងអ្នកនៅខាងមុខរបួសបែកមុខបែកមាត់ហូរឈាមរងរបួសធ្ងន់ភ្លាមៗត្រូវបានម៉ូតូកង់បីនៅក្បែនោះដឹងយកទៅមន្ទីពេទ្យ ។
ក្រោយកើតហេតុ សមកិច្ចមូលដ្ឋានចុះមកដល់កន្លែងកើតហេតុ និងបានទំនាក់ទំនងទៅសមកិច្ចជំនាញចុះមកធ្វើការវាស់វែងស្ទូចរថយន្តយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំម្ចាស់ចូលខ្លួនដោះស្រាយនៅពេលក្រោយ៕
