ចាប់ជនជាតិ២៨នាក់ក្នុងវីឡាដ៍ធំមួយកន្លែងនៅខណ្ឌសែនសុខ
ភ្នំពេញ៖ កម្លាំងអធិការដ្ឋាននគរបាលខណ្ឌសែនសុខ ការសហការជាមួយកម្លាំង នាយកដ្ឋានប្រឆាំងភេរវកម្មនិងឧក្រិដ្ឋកម្មឆ្លងដែន ដោយមានការសម្របសម្រួលពីលោក សេង ហៀង ព្រះរាជអាជ្ញារងអំសាលាដំបូងរាជធានីភ្នំពេញ បានធ្វើការឃាត់ខ្លួនជនជាតិចិន ចំនួន ២៨នាក់ ស្រី០៥នាក់ ក្នុងវីឡាដ៍ធំស្កឹមស្កៃមួយកន្លែង។ កាលពីវេលាម៉ោង ០៣និង៣០នាទីរសៀលថ្ងៃទី០៧ឧសភា ឆ្នាំ២០១៩ នៅចំណុចផ្ទះវីឡាគ្មានលេខ ផ្លូវលំ ភូមិសំរោង សង្កាត់ឃ្មួញ ខណ្ឌសែនសុខ។
សមត្ថកិច្ចបានអោយដឹងថា នៅក្នុងហេតុការចាប់ជនជាតិចិននោះ ដកហូតបានសម្ភារៈមួយចំនួនដូចជា៖ ទូរសព្ទ័ដៃ០៤គ្រឿងទូរសព្ទ័ដៃណូគា១១គ្រឿង IPADMINI០៥គ្រឿង ម៉ាស៊ីនបែងចែកអ៊ីនធឺណែត ០៦គ្រឿង , ដុំភ្លើង០១ដុំLAPTOP០៣គ្រឿង ម៉ាស៊ីនបំផ្លាញក្រដាស់០១គ្រឿងម៉ាស៊ីនព្រីន០១គ្រឿង ឯកសារមួយចំនួនរថយន្តLEXUS.RX300មួយគ្រឿង និងម៉ាស៊ីនថតរូប០១គ្រឿង ។ ចំពោះមូលហេតុសមត្ថកិច្ចមិនទាន់បញ្ជាក់ច្បាស់នៅឡើយទេ ។
បច្ចុប្បន្ន ជនជាតិចិនទាំង២៨នាក់និងវត្ថុតាង ត្រូវបានកម្លាំងនាយដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នាំយកទៅធ្វើការសាកសួរ ៕
