ឃាត់ខ្លួន៣នាក់ដកហូតកាំភ្លើងខ្លី១ដើម

ព្រះវិហារ ៖ កម្លាំងសមត្ថកិច្ចការិយាល័យប្រឆាំងបទល្មើស គ្រឿងញៀនខេត្តព្រះវិហារ សហការជាមួយកម្លាំងអធិការដ្ឋាននគរបាលស្រុករវៀង បានធ្វើការបង្ក្រាបការជួញដូរនិងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យប្រុសស្រីចំនួន៣នាក់ ។
ប្រតិបត្តុិការនេះបានធ្វើឡើងកាលពីវេលាម៉ោង១២ ថ្ងៃទី៣០ ខែឧសភា ឆ្នាំ២០១៨ ស្ថិតនៅភូមិអូរពោធិ៍ ឃុំ រមណីយ ស្រុករវៀង ខេត្តព្រះវិហារ ។

ជនសង្ស័យដែលសមត្ថកិច្ចបានរួមមាន៖
ទី១៖មានឈ្មោះ សុឹម កក្កដា (ហៅតុលា) ភេទប្រុស អាយុ៣៣ ឆ្នាំ ស្នាក់នៅភូមិអូរពោធិ៍ ឃុំ រមណីយ ស្រុករវៀង ខេត្ត ព្រះវិហារ
២.ឈ្មោះ ជួន សំណាង ភេទប្រុស អាយុ៣៤ឆ្នាំ ស្នាក់នៅ ភូមិអូរពោធិ៍ ឃុំរមណីយ ស្រុករវៀង
៣.ឈ្មោះ ហេង ស្រីតី ភេទស្រី អាយុ ៣១ ឆ្នាំ ស្នាក់នៅភូមិអូរពោធិ៍ ឃុំរមណីយ ស្រុករវៀង ។
ករណីបង្ក្រាបនោះសមត្ថកិច្ចដកហូតវត្ថុតាងរួមមាន ម្សៅក្រាមព៌ណសថ្លាសង្ស័យថាសារធាតុញៀនចំនួន ៣ កញ្ចប់តូច , កាំភ្លើងខ្លី ១ ដើមម៉ាកK59 បង់១ គ្រាប់ចំនួន ៥ គ្រាប់, សម្ភារ:សម្រាប់ជក់ថ្នាំញៀនមួយចំនួន , រំសេវ ,គ្រាប់ឃ្លីមួយចំនួនរបស់កាំភ្លើងកែច្នៃ។

បច្ចុប្បន្នសមត្ថកិច្ចជំនាញកំពុងសាកសួរនិងកសាងសំណុំរឿងដើម្បីបញ្ជួនទៅតុលាការចាត់បន្តនិតិវិធីច្បាប់ ៕