ពលរដ្ឋថា ការសន្យាបង្ក្រាបល្បែងសុីសងហ្គេមបាញ់ត្រីរបស់ ឯកឧត្ដម ស ថេត សាបដូចទឹកទន្លេ
ភ្នំពេញ៖ ចុម យក្ស ទីតាំងហ្គេមហ្គេមបាញ់ត្រី យីហោ ៣៤និងអក្សNរីករាលដាល ដូចផ្សិត នៅតំបន់មិនរៀបរយ ភូមិលូសង្កាត់ស្វាយប៉ាក ខណ្ឌ ឫស្សីកែវ ។ កំពុងតែបើកយ៉ាងរលូន ទទួលក្រុមក្មេងទំនើង បង្កភាពអាណាធិបតេយ្យនៅក្នុងមូលដ្ឋាននិងរំខានដល់ការរស់របស់ប្រជាពលរដ្ឋ។
បើតាមប្រភព រាយការណ៍បានអោយដឹងថា ទីតាំងហ្គេមបាញ់ត្រីជាច្រើនកន្លែងនៅក្នុងភូមិលូ សង្កាត់ស្វាយប៉ាក នោះគឺជារៀងរាល់ថ្ងែតែងតែមានក្រុមក្មេងទំនើងចេញចូលលេង ពពាក់ពពួក ទាំងយប់ទាំងថ្ងៃយ៉ាងអាណាធិបតេយ្យ សង្ស័យតែទីតាំងហ្គេមបាញ់ត្រីនេះ មានបង្កការចែកចាយ និង ប្រើប្រាស់គ្រឿងញៀនទៀតផង ។
សូមរំលឹកថា កាលពីពេលថ្មីៗ នេះគ្រាដែលឯកឧត្ដម ស ថេត អគ្គស្នងការរង និងជាស្នងការ នគរបាល រាជធានីភ្នំពេញទើបឡើងកាន់ តំណែង ថ្មីៗ ធ្លាប់បានដាក់បទបញ្ជាឲ្យសមត្ថកិច្ច ក្រោមឱវ៉ាត បង្ក្រាបកន្លែងហ្គេមបាញ់ត្រីអោយអស់នៅក្នុងរាជធានីភ្នំពេញ គ្រប់បណ្ដាខណ្ឌទាំងអស់ តែនៅខណ្ឌឫស្សីកែវ បែជាកើតកាន់តែច្រើនទៅវិញ ។
ប្រជាពលរដ្ឋបានលើកឡើងថាតើឯណាទៅពាក្យថា ភូមិ សង្កាត់ មានសុវត្ថិភាពបើ ភូមិ សង្កាត់ពោ ពេញទៅដោយ ល្បែងសុីសង និង ក្មេងទំនើង ប្រើប្រាស់នូវគ្រឿងញៀនបង្កភាពអសន្តិសុខយ៉ាងនេះ ។
ពលរដ្ឋបានបន្តថា សូមអោយ ឯកឧត្ដម ស ថេត មេត្តា មានវិធាការទប់សង្កាត់ និងបង្ក្របក្រុមក្មេងទំនើងនិងទីតាំងល្បែងសុីសងប្រភេទហ្គេមបាញ់ត្រីនេះផង កុំសន្យាចោលធ្វើអោយ សាបឥទ្ធិពល ៕
