ឆក់ទូរស័ព្ទពីជនជាតិបរទេសបានសម្រេចតែគេចមិនរួចត្រូវម្ចាស់ដេញទាន់ធាក់ដួលចាប់ប្រគល់ឲ្យសមត្ថកិច្ច
ភ្នំពេញ៖ ជនសង្ស័យម្នាក់ ត្រូវបានម្ចាស់ទូរស័ព្ឌនិងប្រជា ពលរដ្ឋដេញចាប់ប្រគល់ឲ្យសមត្ថកិច្ច បន្ទាប់ពីធ្វើសកម្មភាពឆក់ទូរស័ព្ទដៃពីជនជាតិបរទេសម្នាក់ដែលកំពុងឈរនិយាយទូរស័ព្ឌបានសម្រេច រួចបើកម៉ូតូរត់គេចត្រូវម្ចាស់ដេញតាមទាន់ចាប់បានឲ្យប្រគល់ឲ្យសមត្ថកិច្ច ៖ ហេតុការណ៍ភ្ញាក់ផ្អើលនេះបានកើតឡេីងកាលពីវេលាម៉ោង១ និង១០នាទីរំលងអធ្រាត្រ ឈានចូល ថ្ងៃទី១ខែមិថុនាឆ្នាំ២០១៩ នៅចំណុចមុខផ្សារកណ្តាលតាមបណ្ដោយផ្លូវ១៣កែងនិងផ្លូវ១៥៤សង្កាត់ជ័យជំនះ ខណ្ឌដូនពេញ រាជធានីភ្នំពេញ។
ជនសង្ស័យមានឈ្មោះ នុត សុភ័ក្ត ភេទទី៣ អាយុ២៥ឆ្នាំជនជាតិខ្មែរ មុខរបរមិនពិតប្រាកដនិងកន្លែងស្នាក់នៅក្នុងភូមិបឹងសាឡាង សង្កាត់ បឹងសាឡាងខណ្ឌទួលគោក ។ ជិះម៉ូតូម៉ាក អាយខុន ពណ៌លឿង លាយស ពាក់ស្លាកលេខភ្នំពេញ1CV-5117
ជនរងគ្រោះជាជនជាតិបរទេសមិនត្រូវបានស្គាល់អត្តសញ្ញាណនោះទេ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា ដំបូងឡើយគេឃើញជនរងគ្រោះជាជនជាតិ បរទេស កំពង់ឈរនិយាយទូរស័ព្ឌ ដើរលើកំណាត់ផ្លូវ១៣ក្នុងទិសដៅពីត្បូងទៅជើង លុះក្រោយមកក៏ស្រាប់តែលេចមុខជនសង្ស័យម្នាក់ (ជាភេទទី៣) ជិះម៉ូតូមួយគ្រឿងមកពីក្រោយ រួចក៏បានធ្វើសកម្មភាពឆក់ទូរស័ព្ទដៃមួយគ្រឿងពីដៃជន រងគ្រោះបានសម្រេចហើយព្យាយាមបើកម៉ូតូគេច ។ ប្រភពបន្តថា ភ្លាមៗ ជនរងគ្រោះក៏បានរត់ដេញតាមទាន់ក៏លោតធាក់ម៉ូតូឲ្យដួលទាំងអស់គ្នា ហើយក៏មានប្រជាពលរដ្ឋជួយចាប់ស្វារគមន៏ មួយដៃមួយជើងឡើងទ្រោមខ្លួនទើបប្រគល់ឲ្យសមត្ថកិច្ច។ចំណែកជនរងគ្រោះរងរបួសរលាត់ជើងផងដែល។
ចំពោះមុខសម្ថកិច្ចជនសង្ស័យបានឆ្លើយសារភាពថា រូបគេកន្លងមកធ្លាប់ធ្វើសកម្មភាពឆក់បានសម្រេចពីរលើរួចមកហើយ ទើបលើកទីបីនេះត្រូវអស់លក្ខ័ ។
ក្រោយមក ជនសង្ស័យត្រូវបានសមត្ថកិច្ចនាំខ្លួនយកទៅសាកសួរនៅប៉ុស្តិ៍នគរបាលរដ្ឋបាលជ័យជំនះដេីម្បីកសាងសំណុំរឿងបញ្ជូន ទៅអធិការដ្ឋាននគរបាលខណ្ឌដូនពេញ ចាត់ការបន្តតាមនីតិវិធីច្បាប់៕
