ឃាត់ខ្លួនជនជាតិថៃប្រុសស្រី៣នាក់ដកហូតថ្នាំញៀន៦០០០គ្រាប់

បន្ទាយមានជ័យ៖ កម្លាំងសមត្ថកិច្ច នគរបាលនៃមន្ទីរប្រឆាំងបទល្មើសគ្រឿងញៀន( ក៥) បានសហការជាមួយកម្លាំង ស្នងការដ្ឋាននគរបាលខេត្តបន្ទាយមានជ័យបានបើកកិច្ចប្រតិបត្តិាការបង្ក្រាបករណីជួញដូរគ្រឿងញៀនខុសច្បាប់ ឃាត់ ខ្លួនជនសង្ស័យប្រុសស្រីចំនួន៣នាក់

កិច្ចប្រតិបត្តិាការនេះបានធ្វើឡើងកាលពីវេលាម៉ោង ១១និង ៤៥នាទីព្រឹកថ្ងៃទី០១ ខែមិថុនា ឆ្នាំ២ឥ១៨ នៅក្រុងប៉ោយប៉ែត ដោយឃាត់ខ្លួននារីជនជាតិថៃម្នាក់ ឈ្មោះ ឈីរ៉ាត់ ឆៃស៊ែង អាយុ ១៨ឆ្នាំ រួចបាន បន្តទៅឆែកឆេរបន្ទប់ជួលស្នាក់នៅការស៊ីណូស្តាវេហ្គាស លេខ៦០៩ ឃាត់ខ្លួនជនសង្ស័យ២នាក់បន្ថែមទៀត (ឈ្នោះ លីម សាលិ ភេទប្រុស អាយុ២៧ឆ្នាំ ជនជាតិថៃ និងឈ្មោះ បែន រាម៉ាត ភេទស្រី អាយុ៣០ឆ្នាំ ជនជាតិថៃ ព្រមទាំងដក ហូតបានវត្ថុតាង ថ្នាំញៀនប្រភេទមេតំហ្វេតាមីន ( wy)ចំនួន 6000គ្រាប់ ។

បច្ចុប្បន្នជនសង្ស័យជនជាតិថៃប្រុសស្រីទាំង៣នាក់ត្រូវបានកម្លាំងសមត្ថកិច្ចជំនាញនៃមន្ទីរប្រឆាំងបទល្មើសគ្រឿង ញៀន(ក៥)នាំយកមកធ្វើការសាកសួរនិងកសាងសំណុំរឿង ដើម្បីចាត់ការបន្តតាមនិតិវិធីច្បាប់ ៕