តណ្ហាឡើងដល់កំពូលឃើញនាងនៅផ្ទះម្នាក់ឯងចូលទៅចាប់រំលោភតែមិនបានសម្រេចត្រូវប្រជាពលរដ្ឋចាប់ប្រគល់ឲ្យសមត្ថកិច្ច
ភ្នំពេញ៖បុរសតណ្ហាក្រាស់ម្នាក់ឃើញប្រពន្ធគេស្អាតនៅផ្ទះម្នាក់ឯងកំពុងបោសដីក្នុងបន្ទប់ជួល ស្រាប់តែចូលទៅចាប់ប៉ុនប៉ងរំលោភតែមិនបានសម្រេចត្រូវ ប្រជាពលរដ្ឋនាំគ្នាចាប់ឃាត់ខ្លួនប្រគល់ឲ្យសមត្ថកិច្ចភ្លាមៗ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង ៤ និង ៣០ នាទីរសៀលថ្ងៃទី ០៥ ខែមិថុនា ឆ្នាំ២០១៩ នៅចំណុចបន្ទប់ផ្ទះជួល ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យមានឈ្មោះ រស់ នៅ អាយុ២៧ឆ្នាំ មុខរបរ មិនពិតប្រាកដ ស្នាក់នៅភូមិថ្មី សង្កាត់ដង្កោ ខណ្ឌដង្កោ មានស្រុកកំណើតភូមិត្រពាំងព្រះទី២ ឃុំព្រៃឃ្នាស់ ស្រុកមេសា ខេត្ដព្រៃវែង ។
ចំណែកជនរងគ្រោះ មានឈ្មោះ ថ.ស.ន.ថ អាយុ ២០ឆ្នាំមុខរបរ នៅ ផ្ទះ ស្នាក់នៅចំណុចផ្ទះជួលកន្លែងកើតហេតុ ភូមិថ្មី សង្កាត់ដង្កោ ខណ្ឌដង្កោ។
សមត្ថកិច្ចបានបន្តថា មុនពេលកើតហេតុជនរងគ្រោះកំពុងបោសដីក្នុងបន្ទប់ផ្ទះជួលរបស់ខ្លួនដោយមិនបានបិតទ្វារនោះទេ ចៃដន្យស្រាប់តែពេលនោះជនសង្ស័យម្នាក់ខាងលើដែលនៅ ស្នាក់ បន្ទប់ក្បែរជនរងគ្រោះបានដើរចូលមកចាប់ប៉ុនប៉ុងរំលោភជនរងគ្រោះប៉ុន្ដែមិនបានសម្រេចក៏ត្រូវជនរងគ្រោះ ស្រែក ឆោឡោ បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរខាងក៏ជួយឃាត់ខ្លួនជនសង្ស័យប្រគល់ឲ្យសមត្ថកិច្ចយកមកធ្វើការសាកសួរនៅប៉ុស្ដិ៍ នគរបាល តែម្ដង ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាមានបំណងចាប់រំលោភជនរងគ្រោះពិតប្រាកដមែន ដោយសារតែតណ្ហាឡើងខ្លាំងពេក ។
ក្រោយពីឃាត់ខ្លួនជនសង្ស័យរួចសមត្ថកិច្ចបានយកមកធ្វើការសួរនាំនៅប៉ុស្ដិ៍នគរបាលរដ្ឋបាលដង្កោ ដើម្បីកសាងសំណុំរឿងចាត់ការបន្ដតាមនីតិវិធី ៕
