រន្ធត់ណាស់!!យុវជនម្នាក់ជិះម៉ូតូបុករុឺម៉ងសណ្ដោងធ្លាយពោះស្លាប់គួរឲ្យសង្វេក
ភ្នំពេញ៖ អាសូរ យុវជនម្នាក់ជិះម៉ូតូលឿនមិនប្រយត្ន័បាន ជ្រុលទៅបុករុឺម៉កសណ្ដោងពីក្រោយ បណ្ដាលឲ្យធ្លាយពោះស្លាប់ភ្លាមៗនៅនិងកន្លែង
គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង៨ នឹង៥០នាទីយប់ ថ្ងៃទី៦ខែមិថុនាឆ្នាំ២០១៩នៅតាមបណ្ដោយផ្លូវបេតុង ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា យុវជនរងគ្រោះមានឈ្មោះ សុខ ហេង ភេទប្រុស អាយុ២០ឆ្នាំ មុខរបរ ជាងកាមេរ៉ា ស្នាក់នៅភូមិសំរោងក្រោម សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដោយជិះម៉ូតូម៉ាក ហុងដាឌ្រីមសេរី២០១០ ពណ៌ខ្មៅ ពាក់ស្លាកលេខភ្នំពេញ 1BA- 0740 បើកបរក្នុងទិសដៅពីកើតទៅលិច ស្របទិសជាមួយរុឺម៉កសណ្ដោង ដែលបើកបរដោយបុរសម្នាក់ដោយយុវជនរងគ្រោះជិះពេកមិនប្រយត្ន័ខណៈមកដល់ចំណុចកើតហេតុជ្រុលទៅបុកពីក្រោយពេញទំហឹង បណ្ដាលឲ្យជនរងគ្រោះធ្លាយពោះស្លាប់ភ្លាមៗនៅនិងកន្លែងតែម្ដង ។
ក្រោយកើតហេតុ សមត្ថកិច្ចមូលដ្ឋានបានចុះទៅដល់ ហើយទាក់ទងទៅជំនាញចរាចរណ៍មកធ្វើការវាស់វែងយករុឺម៉កសណ្ដោងនិងម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយតាមច្បាប់។
ចំណែកសពជនរងគ្រោះត្រូវបានសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
