លោកឧត្តមសេនីយ៍ស្នងការ និងសហការីពិសារនំបញ្ចុកសាមគ្គីជាមួយកងកម្លាំងអន្តរាគមន៍ពិសេស

ខេត្តព្រះសីហនុ៖ នាវេលាថ្ងៃត្រង់ថ្ងៃទី០៧ ខែមិថុនា ឆ្នាំ២០១៩នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានណែនាំអោយកងកម្លាំងអន្តរាគមន៍ពិសេសដែលចេះធ្វើម្ហូបស្រាប់ អោយរៀបចំធ្វើនំបញ្ចុក មានសម្លការី និងសម្លខ្មែរ មានបន្លៃស្រស់ៗគ្រប់មុខសំរាប់អារហារថ្ងៃត្រង់។

លោកឧត្តមសេនីយ៍ស្នងការមានប្រសាសន៍ក្នុងពេលហូបនំបញ្ចុកថ្ងៃត្រង់នេះថា នេះគឺការពិសារនំបញ្ចុកសាមគ្គី ក្នុងនាមជាកងកម្លាំងសមត្ថកិច្ច និងក្នុងនាមខ្មែរតែមួយដូចបងដូចប្អូន ហើយលោកឧត្តមសេនីយ៍ស្នងការ និងសហការីក៏បានកោតសរសើរដល់កងកម្លាំងអន្តរាគមន៍ពិសេសដែលចេះធ្វើម្ហូបសម្លនំបញ្ចុកយ៉ាងឆ្ងាញ់ពិសារជាប់មាត់ ហើយលោកឧត្តមសេនីយ៍ស្នងការបានបញ្ជាក់ថាយើងនឹងរៀបចំកម្មវិធីបែបនេះនៅថ្ងៃ០៩ ខែមិថុនា ខាងមុខនេះម្តងទៀតដល់កងកម្លាំងនគរបាលខេត្តព្រះសីហនុទាំងអស់គ្នា។

ក្នុងនោះដែរកងកម្លាំងអន្តរាគមន៍ពិសេសទាំងមូលបានសំដែងភាពសប្បាយរីករាយកក់ក្តៅ និងបានថ្លែងអំណរអរគុណដល់លោកឧត្តមសេនីយ៍ស្នងការដែលជានិច្ចជាកាលតែងតែចុះមកពិសារអារហារជុំគ្នាជាមួយមន្រ្តីក្រោមឱវាទយ៉ាងសប្បាយរីករាយ៕