សមត្ថកិច្ចខណ្ឌដូនពេញចុះបង្ក្រាបករណីគ្រឿងញៀនដកហូតបាន៥១៩កញ្ចប់
ភ្នំពេញ៖ កម្លាំងនគរបាលខណ្ឌដូនពេញ សហការជាមួយកម្លាំងនគរបាលប៉ុស្តិ៍ស្រះចក បានធ្វេីការឃាត់ខ្លួនជនសង្ស័យ ៥នាក់ ក្រោយពីឆែកឆេររកឃេីញថ្នាំញៀនចំនួន ៥១៩កញ្ចប់ និងសំភារៈមួយចំនួនទៀត។ ប្រតិបត្តិការនេះធ្វេីឡេីងកាលពីវេលាម៉ោង ០១និង៣០នាទីយប់រំលងអាធ្រាត ថ្ងៃទី១០ ខែមិថុនា ឆ្នាំ២០១៩ ដែលស្ថិតនៅចំណុចផ្លូវរថភ្លើងR6 ក្តាន់ពីរ ក្រុម៣៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។
សមត្ថកិច្ចបានប្រាប់ឲ្យដឹងថា ជនសង្ស័យទាំង ៥នាក់ ដែលកម្លាំងសមត្ថកិច្ចយេីងឃាត់ខ្លួននោះ ទី១-ឈ្មោះ នី ម៉ាណេត ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបន្ទប់ជួលទីតាំងខាងលើ (ជួញដូរគ្រឿងញៀន), ទី២-ឈ្មោះ ឆយ បូរ៉ា ភេទប្រុស អាយុ ៣១ឆ្នាំ ជនជាតិខ្មែរ មុខរបរ មិន៖ពិតប្រាកដ ស្នាក់នៅទីតាំងខាងលើ (ជួញដូរគ្រឿងញៀន), ទី៣-ឈ្មោះ សុ វត្ត្រា ភេទប្រុស អាយុ ១៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅសង្កាត់ស្ទឹងមានជ័យ (ប្រើប្រាស់គ្រឿងញៀន), ទី៤-ឈ្មោះ ហម រត័្នថា ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅម្តុំរោងចក្រឆ្នាំង ភូមិ២ សង្កាត់ស្រះចក (ប្រើប្រាស់គ្រឿងញៀន) និងទី៥-ឈ្មោះ សាយ សម្ភពបញ្ញា ភេទប្រុស អាយុ ១៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ ទីតាំងខាងលើ (ប្រើប្រាស់គ្រឿងញៀន)។
សមត្ថកិច្ចបានបន្តថា នៅក្នុងប្រតិបត្តិការស្រាវជ្រាវបង្ក្រាបនេះ ដោយអនុវត្តន៍តាមបទបញ្ជារបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការរាជធានីភ្នំពេញ និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ កម្លាំងជំនាញ នៃអធិការដ្ឋាន ប៉ុស្តិ៍ បានបើកការស្រាវជ្រាវរហូតឈានដល់ការបង្ក្រាបបានជាក់ស្តែងនូវមុខសញ្ញាជួញដូរ និងប្រេីប្រាស់សារធាតុញៀនដោយច្បាប់បានចំនួន ៥នាក់ ក្នុងនោះសមត្ថកិច្ចជំនាញយេីងបានដកហូតវត្ថុតាងមួយចំនួនរួចមាន៖ ក្រាមពណ៌សថ្លាសង្ស័យជាគ្រឿងញៀនចំនួន ៥១៩កញ្ចប់ ក្នុងនោះមាន០៥កញ្ចប់ធំ, ជញ្ជីងថ្លឹងគ្រឿងញៀនចំនួន១, ដាវកែឆ្នៃចំនួន ១ដើម, ថង់សំរាប់ច្រកគ្រឿងញៀនមួយចំនួន, ឧបករណ៍ប្រើប្រាស់គ្រឿងញៀនមួយចំនួន, ទូហ្គេមបាញ់ត្រីចំនួន ១គ្រឿង, ម៉ូតូម៉ាកសេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1F-0041 និងប្រាក់រៀលចំនួន បីមុឺនពីពាន់(៣២០០០៛)។
ក្រោយមក កម្លាំងសមត្ថកិច្ចបាននាំខ្លួនជនសង្ស័យទាំង ៥នាក់ខាងលេី ទៅកាន់អធិការនគរបាលខណ្ឌ ដេីម្បីធ្វេីការសាកសួរ និងកសាងសំណុំរឿងចាត់ការបន្តតាមនីតិវិធីច្បាប់៕
