រន្ធត់ណាស់!!បុរស​រត់PassAppម្នាក់ត្រូវរថយន្តកុងតឺន័របុកក្រឡាប់PassAppសង្កត់លើស្លាប់យ៉ាងអណោច​ អធម៌

ភ្នំពេញ៖​ រថយន្តកុងតឺន័រមួយគ្រឿងបានបើក​ បុករុឺម៉ក​PassApp​ចំពីមុខយ៉ាងពេញទំហឹង បណ្ដាលឲ្យរុឺម៉កPassAppធ្លាក់ផ្លូវក្រឡាប់សង្កត់ពីលើម្ចាស់ស្លាប់ភ្លាមៗនៅនិងកន្លែង
-គ្រោះថ្នាក់ចរាចរណ៍ដ៏រន្ធត់នេះបានបង្កការភ្ញាក់ផ្អើលដល់អ្នកដំណើរ កាលពីវេលាម៉ោង​៩និង៥០នាទីយប់​ ថ្ងៃទី១២ខែមិថុនាឆ្នាំ២០១៩ នៅតាមបណ្ដោយផ្លូវជាតិលេខ៣ ក្បែរស្ថានីយ៍ប្រេងឥន្ទនះ សំប្រាថ្នា​ស្ថិតក្នុងភូមិ​កន្ទោកខាងជើង សង្កាត់កន្ទោក ខណ្ឌពោធិ៍សែនជ័យ ។​

សពជនរងគ្រោះនៅមិនទាន់ស្គាល់អត្តសញ្ញាណ​នោះទេ ។​

យោងតាមប្រភពព័ត៌មានពីកន្លែងកើតហេតុ​បានឲ្យដឹងថា មុនកើតហេតុ គេឃើញបុរស​ម្នាក់ដែលជាជនរងគ្រោះ បានបើករុឺម៉ក​PassAppមួយគ្រឿង តាមបណ្ដោយផ្លូវជាតិលេខ៣ ទិសដៅពីត្បូងទៅជើង ខណះ​មកដល់ចំណុចកើតហេតុ ស្រាប់តែរថយន្តម៉ាក​ហុីយ៉ាន់ដាយ ប្រភេទដឹកទូកុងតឺន័រ ក្បាលពណ៌ស ពាក់ស្លាកលេខភ្នំពេញ 3A-9143 បានធ្វើដំណើរបញ្ច្រាស់ទិសដៅគ្នាពីជើងទៅត្បូង និងបានវ៉ាជែងគ្នា ជ្រុលទៅបុករុឺម៉កPassAppចំពីមុខពេញទំហឹង បណ្ដាលឲ្យរុឺម៉កPassAppធ្លាក់ផ្លូវសង្កត់ពីលើម្ចាស់ ស្លាប់ភ្លាមៗនៅនិងកន្លែងតែម្ដង ។ ចំណែកតៃកុងរថយន្តកុងតឺន័រក៏បាន​ព្យាយាមបន្ថែមល្បឿនបើកគេចបានប្រហែល​១០០ម៉ែត្រក៏ឈប់រថយន្ត ចុះគេចខ្លួនបាត់ស្រមោល ។​

ក្រោយកើតហេតុ សមត្ថកិច្ចមូលដ្ឋានក៏បានចុះមកដល់​ ហើយ​ទាក់ទងទៅជំនាញ​ចរាចរណ៍​ ឲ្យធ្វើការវាស់វែងយករថយន្តកុងតឺន័រ និងរុឺម៉កPassApp ទៅរក្សាទុកនៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយតាមផ្លូវច្បាប់ ។ ចំណែកសពជនរងគ្រោះត្រូវបានសមត្ថកិច្ចធ្វើកំណត់​ហេតុ​ឲ្យរថយន្តដឹកសព យកទៅតម្កល់នៅវត្តទឹកថ្លា រង់ចាំស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី ៕