រន្ធត់ណាស!! ជិះម៉ូតូលឿនមិនប្រយត្ន័ជ្រុលទៅបុករថយន្តកុងតឺន័រចតស្ងៀម ផុងលលាក្បាលធ្លាយខួរស្លាប់ចោលប្រពន្ធកូន
ភ្នំពេញ ៖ បុរសម្នាក់បាន បោកក្បាលហូរឈាមស្លាប់នៅនិងកន្លែងកើតហេតុភ្លាមៗ ខណៈបុរសរូបនោះបានជិះម៉ូតូក្នុងល្បឿនលឿន មិនបានប្រយត្ន័ជ្រុលទៅបុករថយន្តដឹកហ្គារបស់ក្រុមហ៊ុន តារា ធីសុីហ្គាស ដែល ឈប់ស្ងៀម ចំពីក្រោយពេញទំហឹង
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១១និង៥០នាទីយប់ថ្ងៃទី១៣ ខែមិថុនា ឆ្នាំ២០១៩ ជិតនិងភោជនីដ្ឋាន 8888ផ្លូវ៥០ម៉ែត្រ ភូមិបាគូ សង្កាត់ដង្កោ ខណ្ឌដង្កោ ។
សពជនរងគ្រោះ មានឈ្មោះ រិន កាមិត្ត ភេទប្រុស អាយុ៣១ឆ្នាំ មុខរបរ កម្មករ សំណង់ ស្នាក់នៅ ភូមិស្រុកចេក សង្កាត់ជើងឯក ខណ្ឌដង្កោ មានស្រុកកំណេីត ស្រុកបាទីខេត្តតាកែវ និងមានប្រពន្ធឈ្មោះ គឹម ហ៊ាង អាយុ២២ឆ្នាំ ជនជាតិខ្មែរ មុខរបរធ្វើការរោងចក្រ ស្នាក់នៅជាមួយប្តីខាងលើ មានស្រុកកំណើតនៅស្រុកត្រាំងកក់ ខេត្តតាកែវ មានកូនស្រីតូច២នាក់ ។ ដោយជិះម៉ូូតូម៉ាក ឌ្រីមសង់ សេរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CR8373 ។
ចំណែករថយន្ត ដឹកស៊ីទែនហ្គាស របស់ក្រុមហ៊ុន តារាធីស៊ី ហ្គាស ចំនុច១តោនកន្លះ ម៉ាក ហ៊ីយ៉ានដាយ ពណ៌ខៀវ ពាក់ស្លាកលេខ សៀមរាប 2A 7187បើកបរ ដោយបុរសមិនស្គាល់ អត្តសញ្ញាណ បានរត់គេចខ្លួនបាត់ពីកន្លែងកើតហេតុ ។
តាមប្រភពពត៌មាន ពីន្លែងកើតហេតុ បានឲ្យដឹងថា មុនពេលកើតហេតុ គេបានឃើញ រថយន្ត ដឹកស៊ីទែនហ្គាស របស់ ក្រុមហ៊ុន តារា ធីសុី ហ្គាស បានបើកមកដល់ ចំនុចខាងលើ ស្រាប់តែខូច ហើយចតស្ងៀម ស្របពេលដែល បុរសរងគ្រោះបានជិះម៉ូតូ ម៉ាក ហុងដា ឌ្រីមសេរី ឆ្នាំ២០១៥ ពណ៌ខ្មៅ ធ្វើដំណើរមកក្នុងទិសដៅស្របគ្នា ហើយផ្លូវងងឹត ទើបមើលមិនឃើញ ក៍ជ្រុលទៅបុកនិងរថយន្តដែលឈប់ស្ងៀម ពីក្រោយពេញទំហឹង បណ្តាលអោយបោកក្បាល ធ្លាយខួរស្លាប់យ៉ាងអនោចអធម័នៅនិងកន្លែងកើតហេតុតែម្តង ។ ចំណែកអ្នកបើករថយន្តវិញ នៅពេលឃើញហេតុការណ៍បែបនេះ ក៍បាននាំគ្នារត់គេចខ្លួនបាត់អស់។ បន្តិចក្រោយមក ឃើញមានកម្លាំងសមត្ថកិច្ចមូលដ្ឋាននិងជំនាញ់ចរាចរណ៍បានចុះទៅកន្លែងកើតហេតុ ដើម្បីពិនិត្យសព ព្រមទាំងមានសាច់ញាតិមកទ្រហោយំផងដែរ ។
ក្រោយពេលកើតហេតុ សពជនរងគ្រោះត្រូវបានសមត្ថកិច្ច ធ្វើកំណត់ហេតុប្រគល់ឲ្យសាច់ញាតិយកទៅធ្វើបុណ្យ នៅស្រុកខាងប្រពន្ធ ឯខេត្តតាកែវ ។ ចំនែករថយន្តនិងម៉ូតូត្រូវបានសមត្ថកិច្ចជំនាញ់ចរាចរណ៍ក្រុង បានចុះទៅធ្វើការវាស់វែងយកទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញ ដើម្បីរងចាំធ្វើការដោះស្រាយនៅពេលពេលក្រោយ ៕
