ប្រុសស្រីជាមុខសញ្ញាជក់និងចែកចាយគ្រឿងញៀន យ៉ាងសកម្មនៅក្រុងព្រះសីហនុពេលនេះចាប់ឃាត់ខ្លួនបានហើយ

ខេត្តព្រះសីហនុ៖ អ្នកជួញអ្នកប្រើប្រាស់ថ្នាំញៀន សមត្ថកិច្ចចាប់មិនចេះអស់ ទោះចាប់បានរាល់ថ្ងៃក៏ដោយ ហើយនៅថ្ងៃនេះសមត្ថកិច្ចនគរបាលស្រុកស្ទឹងហាវ ដឹកនាំដោយលោក រស់ កី អធិការ នគរបាលស្រុកស្ទឹងហាវ ដឹកនាំកម្លាំងក្រោមឱវាទសហការជាមួយ សមត្ថកិច្ចពាក់ព័ន្ធបានបន្តចុះធ្វើការបង្រ្កាប បទល្មើសគ្រឿងញៀនបានទៀតហើយ នៅចំណុចភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ នាថ្ងៃទី១៣ ខែមិថុនា ឆ្នាំ២០១៩ ។

ដោយឃាត់ខ្លួនជនសង្ស័យប្រុសស្រីចំនួន២នាក់៖
១. ឈ្មោះឆៃ សុវណ្ណារ៉ា ភេទប្រុស​ អាយុ២៩ឆ្នាំ មាន ទីលំនៅ សង្កាត់លេខ១ ក្រុងព្រះសីហនុ។
២.ឈ្មោះម៉េត សុភណ្ឌ័ ភេទស្រី អាយុ២៧ឆ្នាំ មាន ទីលំនៅ សង្កាត់លេខ១ ក្រុងព្រះសីហនុ ។

វត្ថុតាងមាន ម្សៅក្រោមព៌ណសថ្លាសង្ស័យ ជាសារធាតុញៀន ចំនួន ២កញ្ចប់ធំ កញ្ឆា ១កញ្ចប់តូច និងឧបករណ៍ សម្រាប់ប្រើប្រាស់ជក់ សារធាតុញៀនមួយចំនួន ជនទាំងពីរនាក់ គឺជាមុខសញ្ញាចែកចាយគ្រឿងញៀន ៕