សមត្ថកិច្ចប៉ុស្តិស្ទឹងមានជ័យ៣ឃាត់ខ្លួនជនសង្ស័យម្នាក់រួមនិងថ្នាំញៀន១៨កញ្ចប់
ភ្នំពេញ៖ ជនសង្ស័យម្នាក់ដែលជាមុខសញ្ញាជួញដូរប្រេីប្រាស់គ្រឿងញៀនត្រូវបានកម្លាំងសមត្ថកិច្ចប្រទះឃេីញពេលកំពុងអនុវត្តន៍ច្បាប់ចរាចរណ៍ផ្លូវគោកក៏បានឃាត់សួរនាំនិងធ្វេីការឆែកឆេររកឃេីញថ្នាំញៀនចំនួន១៨ថង់ ទេីបកម្លាំងនគរបាលឃាត់ខ្លួនតែម្តង ៖ ហេតុការណ៍នេះបានធ្វើឡើងកាលពីវេលាម៉ោង០២និង៣០នាទីរសៀលថ្ងៃទី១៤ខែមិថុនាឆ្នាំ២០១៩ នៅចំណុចមុខផ្សារឯករាជ្យ៣ ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
លោក ឯម ភារី នាយប៉ុស្តិ៍នគរបាលស្ទឹងមានជ័យ៣ បានឲ្យដឹងថា ជនសង្ស័យដែលឃាត់ខ្លួនមានឈ្មោះ ប្រាក់ ផៃ ភេទប្រុសអាយុ១៩ឆ្នាំ មុខរបរនិងស្នាក់នៅ មិនពិតប្រាកដ។ លោក ឯម ភារី បានបន្តថា បន្ទាប់ពីឃាត់ខ្លួនជនសង្ស័យ កម្លាំងសមត្ថកិច្ច បានឆែកឆេនិងដកហូតវត្ថុតាងម្សៅក្រោមពណ៌សថ្លាប្រភេទថ្នាំញៀនចំនួន១៨កញ្ចប់ថង់តូច រួចបាននាំខ្លួនមកធ្វើការសាកសួរនៅប៉ុស្តិ៍នគរបាលស្ទឹងមានជ័យ៣តែម្ដង ។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនបណ្ណោះអាសន្ននៅប៉ុស្តិ៍នគរបាលស្ទឹងមានជ័យ៣ដេីម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌមានជ័យចាត់ការបន្តតាមនិតិវិធីច្បាប់៕
