សមត្ថកិច្ចបង្ក្រាបគ្រឿងញៀននៅកាសុីណូឡាក់គីឃាត់ខ្លួនមនុស្សប្រុសស្រី១៥៥នាក់ដកហូតថ្នាំញៀនមួយចំនួន
បន្ទាយមានជ័យ៖ កម្លាំងនគរបាលប្រឆាំងបទល្មើសគ្រឿងញៀនខេត្ត បន្ទាយមានជ័យ សហការជាមួយ កម្លាំងអធិការរដ្ឋាននគរបាលក្រុងប៉ោយប៉ែត ឆ្មក់បង្ក្រាបទីតាំងជួញដូរនិងប្រើប្រាស់គ្រឿងញៀនរួមទាំងទូហ្គេមបាញ់ត្រី មួយកន្លែងនៅចំណុចជាប់កាស៊ីណូឡាក់គី ស្ថិតនៅក្នុងភូមិប៉ោយប៉ែត សង្កាត់ និងក្រុងប៉ោយប៉ែត ខេត្តបន្ទាយមានជ័យ ។
- កិច្ចប្រតិបត្តិការបង្រ្កាបនេះបានធ្វើឡើងកាលពីវេលាម៉ោង៣និង៣០នាទីរសៀលថ្ងៃទី១៨ខែមិថុនាឆ្នាំ២០១៩ ។
សមត្ថកិច្ចបានអោយដឹងថា ក្នុងប្រតិបត្តិការបង្រ្កាបខាងលេី ដឹកនាំកម្លាំងដោយលោកវរសេនីយ៍ឯក ធិន ស៊ិនដេត អធិការរដ្ឋាន
នគរបាលក្រុងប៉ោយប៉ែត សហការជាមួយ
នគរបាលប្រឆាំងគ្រឿងញៀនខេត្ត បន្ទាយមាន និងមានការសម្របសម្រួលពីលោកព្រះរាជអាជ្ញារ មាស ចន្ទ័ពិសិដ្ឋ ដោយបានឃាត់ខ្លួនជនសង្ស័យចំនួន១៥៥នាក់ដកហូតវត្ថុតាង ថ្នាំប្រភេទគ្រាប់ពណ៌ក្រហមចំនួន៥៤គ្រាប់ ម្សៅក្រមពណ៌សចំនួន០៥ថង់ម្សៅម៉ត់ចំនួន០១ថងតូច ទូបាញ់ត្រី០៨គ្រឿង ស្លុតហ្គេម១៤គ្រឿងថ្នាំគ្រវី០១គ្រាប់ ត្រួតពិនិត្យទឹកនោម នៅនឹងកន្លែង១៤៤មានសារធាតុញៀនទាំងអស់។
បច្ចុប្បន្ន ក្រុមជនសង្ស័យទាំងអស់រួមទាំងវត្ថុតាង ត្រូវបានសមត្ថកិច្ច កសាងសាងសំណុំរឿងចាត់ការតាមច្បាប់ ៕
