រន្ធត់ណាស់ព្រះអើយ!!ក្មេងប្រុសស្រីតូចៗ៤នាក់ចុះលេងទឹកស្រះលង់ស្លាប់ទាំង៤នាក់គួរឲ្យសង្វេក
ខេត្តតាកែវ ៖ អាសួរក្មេងតូចៗប្រុសស្រីចំនួន៤នាក់បានលង់ទឹកស្លាប់ យ៉ាង អាណោចអធម៌៖ ហេតុការណ៍បង្កឲ្យមានការភ្ញាក់ផ្អើលនេះបានកើតឡើងកាលពីវេលាម៉ោង៤រសៀលថ្ងៃទី២០ខែមិថុនា២០១៩ នៅភូមិត្រពាំងក្រឡាញ់ឃុំលំពង់ស្រុកបាទីខេត្តតាកែវ
សមត្ថកិច្ចបានអោយដឹងថាក្មេងប្រុសស្រីដែលលង់ទឹកស្លាប់ទាំង៤នាក់ខាងលើរួមមាន៖ ទី០១ឈ្មោះហៀងសុខ ឃីមភេទស្រីអាយុ៥ឆ្នាំ ទី០២ឈ្មោះហៀងវីតភេទប្រុស អាយុុ០៣ឆ្នាំមានឱពុកឈ្មោះសួរសេហាក់និងម្តាយឈ្មោះផាន់ចាន់ណា។
ក្មេងរងគ្រោះទី០៣ឈ្មោះនៅស្រីឡេងភេទស្រីអាយុ០៣ឆ្នាំនិងទី០៤ឈ្មោះនៅស្រីលាក់ភេទស្រីអាយុ០៤ឆ្នាំមានម្តាយឈ្មោះសេកស្រីម៉ុម។
- សមត្ថកិច្ចបន្តថា មុនពេលកើតហេតុគឺក្មេងទាំង៤នាក់បាននាំគ្នាដើរលេងនៅវាលស្រែខណៈដែលមកដល់ចំនុចកើតហេតុចំងាយប្រហែលជាង២០០ម៉ែត្រពីផ្ទះក៏បាននាំគ្នាចុះលេងទឹកស្រះ បណ្ដាលឲ្យលង់ទាំង៤នាក់ភ្លាមៗ អ្នករស់នៅក្បែខាងបានប្រទះឃើញក៏បាននាំគ្នាចុះរាវរកឃើញស្រងមកលើគោកយកមកសង្គ្រោះបឋម តែជាអកុសល ក្មេងៗទាំង៤នាក់បានស្លាប់បាត់បង់ជីវិត អស់ទៅហើយ ។
ក្រោយកើតហេតុសមត្ថកិច្ច មូលដ្ឋាននិងជំនាញបានចុះមកធ្វើកោសល្យវិច្ឆ័យនិងកំណត់ហេតុប្រគល់សព អោយឪពុកម្ដាយរៀងៗខ្លួនយកទៅធ្វើបុណ្យតាមប្រពៃណី៕
