នគរបាលប៉ុស្តិ៍ចាក់អង្រែលើឃាត់ខ្លួនជនសង្ស័យម្នាក់ដកហូតថ្នាំញៀន២៩កញ្ចប់
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើ ឃាត់ខ្លួនជនសង្ស័យម្នាក់ដកហូតថ្នាំញៀនបាន២៩កញ្ចប់ ៖ ហេតុការឃាត់ខ្លួននេះបានធ្វើឡើងកាលវេលាម៉ោង០៨និង០០នាទីយប់ថ្ងៃទី២៦ខែមិថុនាឆ្នាំ២០១៩ នៅចំណុចមុខសំណង់មិនរាបរយ ផ្លូវ៦០ម៉ែត្រ ក្រុមទី៨ ភូមិ ព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
លោក អ៊ុំ រតនា នាយប៉ុស្តិ៍ នគរបាលចាក់អង្រែលើ បានអោយដឹងថា ជនសង្ស័យមានឈ្មោះ សល វិសាល ភេទ ប្រុស អាយុ១៨ ឆ្នាំជនជាតិខ្មែរមុខរបរនិងស្នាក់នៅមិនពិតប្រាកដ ។
លោក នាយប៉ុស្តិ៍ បានបន្តថា មុនឈានដល់ការឃាត់ខ្លួន គឺកម្លាំងនគរបាលប៉ុស្តិ៍បានធ្វើការល្បាតក្នុងមូលដ្ឋាន ខណៈមកដល់ចំណុចកើតហេតុក៏បានប្រទះឃើញជនសង្ស័យកំពុង ឈរ ដោយមានការសង្ស័យកម្លាំងនគរបាល ហៅសួរនាំឆែកឆេ រកឃើញថ្នាំញៀនចំនួនួ២៩កញ្ចប់ ហើយក៏បាននាំខ្លួនមកដើម្បីធ្វើការសាកសួរ ។
បច្ចុប្បន្ន ជនសង្ស័យរួមនិងវត្ថុតាងត្រូវបានសមត្ថកិច្ចសាកសួរនិងកសាងសំណុំរឿងដើម្បីបញ្ជួនទៅអធិការនគរបាលខណ្ឌមានជ័យចាត់ការបន្តតាមនិតិវិធី ៕
