បើករថយន្តលឿនមិនប្រយត្ន័ជ្រុលបុករះខឿនផ្លូវស្លាកសញ្ញាចរាចរណ៍និងបង្គោលភ្លើងបណ្ដាលឲ្យរថយន្តឆេះសន្ធោសន្ធៅ
ភ្នំពេញ ៖ បុរសម្នាក់បើករថយន្តលឿនដូចហោះ មិនប្រយត្ន័ វ៉ាជែងគេឯងបួងចង្កូូតមិនទាន់ជ្រុលបុករះខឿនចែកទ្រូងផ្លូវ បង្គោលស្លាកសញ្ញាចរាចរណ៍បាក់២ដើមនិងបង្គោលភ្លើងបំភ្លឺផ្លូវទ្រេតមួយដើមទៀតធ្វើឲ្យរថយន្ត ឆ្លងចរន្តភ្លើងឆាបឆេះខ្ទិចសល់តែឆ្អឹងដែក
គ្រោះថ្នាក់ចរាចរណ៏គួរឲ្យរន្ធត់នេះបានកើតឡើងនៅវេលាម៉ោង១១និង៤០នាទីយប់ ថ្ងៃទី៧ ខែកក្កដាឆ្នាំ២០១៩ នៅតាមបណ្ដោយផ្លូវវិមានឈ្នះៗកែង និងច្រកចូលសង្កាត់ សំរោងក្រោម ភូមិសំរោង សង្កាត់ សំរោងក្រោម ខណ្ឌពោធិ៏សែនជ័យ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់បើករថយន្តមួយគ្រឿងម៉ាកកាមរីឆ្លាម ពណ៌ត្រីឆ្លូញ ពាក់ស្លាកលេខភ្នំពេញ2C-3545 ធ្វើដំណើរតាមបណ្តោយផ្លូវ វិមានឈ្នះៗ ទិសដៅពីជើងទៅត្បូងក្នុងល្បឿនយ៉ាងលឿន ខណៈ មកដល់ចំណុចកើតហេតុ ក៏បានវ៉ារថយន្តមួយគ្រឿងទៀត ហើយបួងចង្កូូតមកវិញតែបួងមិនទាន់ក៏ជ្រុលទៅបុកខឿនពុះចែកទ្រូងផ្លូវ ខ្ទិចថ្មខឿនអស់ជាច្រើនដុំ និងបង្គោលស្លាកសញ្ញាចរាចរណ៏បាក់រៀបដល់ដីចំនួន២ដើមហើយរថយន្តបន្ត ទៅបុកបង្គោលភ្លើងបំភ្លឺផ្លូវទ្រេតមួយដើមទៀត ។ ចំណែក រថយន្ត បង្កឆ្លងចរន្តឆេះយ៉ាសន្ធោសន្ធៅ បន្ទាប់មករថយន្តពន្លត់ អគ្គីភ័យបានចេញមកមួយគ្រឿង ជួយអន្តរាគមន៍បាញ់ពន្លត់ឲ្យរលត់ទៅវិញ តែអកុសលរថយន្តត្រូវបានឆេះម៉ត់មើលលែងយល់ សល់តែគ្រោងដែក សំណាងល្អមិនបង្កឲ្យអ្នកបើកបររងរបួស បន្ទាប់ពីកើតហេតុភ្លាមៗត្រូវបានមិត្តភ័ក្តមកយកចេញទៅបាត់ ស្រមោល។
ក្រោយកើតហេតុសមត្ថកិច្ចមូលដ្ឋានទាក់ទងជំនាញវាស់វែងស្ទូូចយកគ្រោងឆ្អឹងរថយន្តបង្ករទៅរក្សាទុកនៅការិយាល័យចរាចរណ៍ផ្លូវគោក រងចាំឲ្យម្ចាស់ចូលខ្លួួនដោះស្រាយតាមផ្លូវច្បាប់ ៕
