យកម៉ូទ័រមកជួសជុលឆ្លងចរន្តអគ្គិសនីឆក់ស្លាប់

ភ្នំពេញ ៖ បុរសជាងជួសជុលរថយន្តម្នាក់ត្រូវខ្សែរភ្លើងឆក់ ស្លាប់គួរឲ្យសង្វេក ខណៈពេលកំពុងតែជួសជុលម៉ូទ័របូមទឹក
ហេតុការណ៍នេះបានកើតឡើងកាលពីវេលាម៉ោង៩និង២០ នាទីព្រឹក ថ្ងៃទី០៧ ខែមិថុនា ឆ្នាំ២០១៨ ស្ថិតនៅយានដ្ឋានជួសជុលរថយន្ត មួយកន្លែងស្ថិតនៅក្នុងភូមិសំរោង សង្កាត់ សំរោងក្រោម ខណ្ឌពោធិសែនជ័យ រាជធានីភ្នំពេញ ។

ជនរងគ្រោះ ឈ្មោះ អ៊ួង សុខឿន ភេទប្រុស អាយុ៣៤ឆ្នាំ មុខរបរ ជាងជួសជុលរថយន្ត ស្នាក់នៅក្នុងយានដ្ឋានកន្លែងកើតហេតុ ស្រុកកំណើតភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ ។

បើតាមប្រភពពីកម្មករ រួមការងារជាមួយជនរងគ្រោះបានឲ្យដឹងថា មុនពេលកើតហេតុ ជនរងគ្រោះបានយកម៉ូទ័របូមទឹកដែលគាំងខូចមកធ្វើការជួសជុលចំណែកអ្នកផ្សេងៗ ទៀត រវល់តែធ្វើការងាររៀងខ្លួន មិនបានចាប់អារម្មណ៍ឡើយចំណែកជនរងគ្រោះបានយកកន្ទុយខ្សែភ្លើងទៅដោតព្រីភ្លើងដើម្បីសាកនិងជួសជុលម៉ូទ័រតែអកុសលខណៈកំពុងជួសជុលស្រាប់តែឆ្លងចរន្តអគ្គិសនីឆក់ស្លាប់ភ្លាមៗតែម្តង បើទោះបីជាអ្នករួមការខំរត់ទៅបិទប៉ារ៉ែតភ្លើងក៏ដោយក៏មិន ទាន់ដែរ ។

ក្រោយកើតហេតុសមត្ថកិច្ចចុះទៅពិនិត្យធ្វើកោសលវិច្ឆ័យ និងកំណត់ហេតុរួចប្រគល់សពជនរងគ្រោះ ឲ្យក្រុមគ្រួសារដឹកយកទៅធ្វើបុណ្យតាមបករពៃណី ៕