បាក់ដើមឈើនិងបង្គោលភ្លើងសង្កត់រថយន្ត២គ្រឿងខូចខាតយ៉ាងដំណំ
ភ្នំពេញ៖ រថយន្ត២គ្រឿងរងការខូចខាតយ៉ាងដំណំបន្ទាប់មានខ្យល់បក់យ៉ាងខ្លាំងបណ្តាយឲ្យរលំដើមឈើនិងបង្គោលភ្លើងសង្កត់លើ
ហេតុការនេះបានកើតឡើងកាលពីវេលាម៉ោង១និង១០នាទី រសៀលថ្ងៃទី៧ខែមិថុនាឆ្នាំ២០១៨ នៅតាមបណ្តោយផ្លូវព្រះមុន្នីវង្សស្ថិតក្នុងសង្កាត់ទន្លេបាសាក់ខណ្ខចំកាមន រាជធានី ភ្នំពេញ។
ម្ចាស់រថយន្តមានឈ្មោះ ធី អាយុ២៨ឆ្នាំបានឲ្យដឹងថាគាត់ បានចតរថយន្តទាំង២របស់គាត់នៅមុខផ្ទះតាំងពីព្រឹកលុះមកដល់ម៉ោងកើតហេតុគាត់បានរៀបចំខ្លួនបំរុងចេញទៅខាងក្រៅស្រាប់តែមានខ្យល់បោកបក់យ៉ាងខ្លាំងភ្លាមៗនោះក៏មានដើមឈើនៅក្បែរបានរលំនិងទាញខ្សែរភ្លើងអគ្គីសនី កម្ពជាមកជាមួយបណ្តាលឲ្យបាក់បង្គោលភ្លើងមកសង្កត់ចំពី លើរថយន្ត គាត់ម៉ាក(សាយអន)ហើយក៏បានទៅប៉ះជាមួយរថយន្តគាត់មួយគ្រឿងទៀតម៉ាក(តូយ៉ូតាហាយប្រ៊ី)បណ្តាលឲ្យបាក់កញ្ចក់ខាងធ្វេងនិងទ្វារបន្តិបន្ទួច។
ក្រោយពេលកើតហេតុសមត្ថកិច្ចមូលដ្ឋានបានចុះទៅមកត្រួតពិនិត្យមើលរួចបានទំនាក់ទំនងទៅមន្ត្រីអគ្គីសនីឲ្យមក ស្ទួចបង្គោលភ្លើងនិងកាត់ដើមឈើយករថយន្តចេញ។
ដោយឡែករថយន្តដែលរងកាខូចខាតទាំង២គ្រឿងមិនទាន់ដឹងថាមានដំណោះស្រាយយ៉ាងណានៅឡើយទេ ៕
