ស្ត្រីអ្នករើសអេតម្នាក់តូចចិត្តខ្លួនក្រនិងប្ដីធ្វើបាប ផងក៏គិតខ្លីចង់លោតទឹកសម្លាប់ខ្លួន
ភ្នំពេញ៖ ស្ត្រីម្នាក់មានកូនដល់ទៅ៣នាក់ បានផឹកស្រាថ្នាំស្រវឹងគិតខ្លីចង់លោតទឹកសម្លាប់ខ្លួន បង្កការភ្ញាក់ផ្អើលកាលពីវេលាម៉ោង៧ និង៤០នាទីយប់ ថ្ងៃទី២៣ ខែកក្កដា ឆ្នាំ២០១៩ នៅចំណុចលើស្ពានព្រះមុនីវង្ស ក្នុងសង្កាត់ចាក់អង្រែលើ ខណ្ឌមានជ័យ ។
-ស្ត្រីដែលមានបំណងលោតទឹកសម្លាប់ខ្លួនមានឈ្មោះ តឹក មិក អាយុ៣៤ឆ្នាំ មុខរបប រើសអេតចាយ ស្នាក់នៅមិនពិតប្រាកដ(ដើរដេកតាមចិញ្ចើមផ្លូវ) និងមានកូនប្រុសតូចៗដល់ទៅ៣នាក់ដោយប្ដីជាអ្នករើសអេតចាយជាមួយគ្នា ។
-បើតាមសម្ដីស្ត្រីខាងលើ បានរៀបរាប់ទាំងទឹកភ្នែកថា មុនកើតហេតុ រូបគាត់បានហូបស្រាថ្នាំអស់៣ទៅ៤កែវ ហើយក៏មានកូនចិត្ត គិតថាខ្លួនក្រ និងប្ដីវាយធ្វើបាបរាល់ថ្ងៃពេក ក៏លេងចង់រស់ ក៏ដើរឡើងលើស្ពានព្រះមុនីវង្សបំណងលោតទឹកសម្លាប់ខ្លួនបញ្ចប់បញ្ហា តែត្រូវប្រជាពលរដ្ឋឃើញក៏ឃាត់ រូបគាត់ហើយនាំយកមកខាងក្រោមស្ពានអាកាសក្បាលថ្នល់ ដើម្បីពន្យល់ណែនាំកុំឲ្យគិតខ្លីទៀត ព្រោះអាណិតកូនៗនៅតូចមិនដឹងទៅរំពឹងអ្វីបើគ្មានម្ដាយមើលថែ ។
ក្រោយមក ស្ត្រីខាងលើបានយល់ហេតុផង ក៏ឈប់គិតខ្លីទៀត ហើយនាំកូនៗរបស់គាត់សម្រាក់នៅខាងក្រោមស្ពានអាកាសក្បាលថ្នល់ ទើបធ្វើឲ្យស្ងប់រឿងវិញ ៕
