នគរបាលប៉ុស្តិ៍ចាក់អង្រែលើឃាត់ខ្លួនជនសង្ស័យ២នាក់រួចនិងថ្នាំញៀន២កញ្ចប់
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើឃាត់ខ្លួនជនសង្ស័យប្រុសស្រី២នាក់ដែលជាមុខសញ្ញាជួញដូរគ្រឿងញៀន
-ហេតុការណ៍នេះបានធ្វើឡើងកាលពីវេលាម៉ោង១និង០០នាទីរសៀលថ្ងៃទី២៥ខែកក្ដដាឆ្នាំ២០១៩ នៅចំណុចសំណង់មិនរាបរយ ផ្លូវ៦០ម៉ែត្រក្រុមទី៨ ភូមិ ព្រែកតាគង់ សង្កាត់ ចាក់អង្រែលើខណ្ឌ មានជ័យ ។
-លោក អ៊ុំ រតនា នាយ ប៉ុស្តិ៍នគរបាលចាក់អង្រែលើបានអោយដឹងថា ជនសង្ស័យទាំង២នាក់ដែលសមត្ថកិច្ចឃាត់ខ្លួននោះទី១៖ មានឈ្មោះ ឈ្មោះ ប៊ុន ថង ភេទប្រុស អាយុ ២៩ ឆ្នាំ ជនជាតិ ខ្មែរ មុខរបរ និងស្នាក់នៅ មិនពិតប្រាកដ និងទី២ឈ្មោះ លឹម ស្រីមេីន ភេទ ស្រីអាយុ ២៤ឆ្នាំមុខរបរនិងស្នាក់នៅ មិនពិតប្រាកដ។
-លោក នាយប៉ុស្តិ៍ បានបន្តទៀតថា មុនឃាត់ខ្លួនជនសង្ស័យ គឺកម្លាំងនគរបាលប៉ុស្តិ៍បានធ្វើការល្បាតតាមមូលដ្ឋាន ខណៈមកដល់ចំណុចកើតហេតុបានប្រទះឃើញជនសង្ស័យ ក៏ហៅសួរនាំឆែកឆេរកឃើញថ្នាំញៀន២កញ្ចប់ថង់តូច រួចក៏ឃាត់ខ្លួនយកមកសួរនាំនៅប៉ុស្តិ៍ ។
បច្ចុប្បន្ន ជនសង្ស័យប្រុសស្រីទាំង២នាក់ត្រូវបានសមត្ថកិច្ច ធ្វើការសាកសួរនិងកសាងសំណុំរឿងដើម្បីបញ្ជួនទៅអធិការនគរបាលខណ្ឌមានជ័យចាត់ការបន្តតាមនិតិវិធីច្បាប់៕
