រថយន្តធំបត់ឆ្លងផ្លូវត្រូវរថយន្តឡិចសុីសបុកគូទក្រោយគៀបស្លាប់ម្នាក់និង២នាក់ទៀតរបួសធ្ងន់និងស្រាល
ភ្នំពេញ ៖ បុរសម្នាក់បានស្លាប់បាត់បង់ជីវិត គូរឲ្យរន្ធត់និង២នាក់ទៀតរបួសធ្ងន់ស្រាល បន្ទាប់ពីបើករថយន្តឡិចសុីស RX400hក្នុងល្បឿនលឿនមិនប្រយត្ន័ជ្រុលបុករថយន្តហុីយិនដាយចំពីចហៀងគូទក្រោយពេញទំហឹង ៖ គ្រោះថ្នាក់ចរាចរណ៍នេះបានកើតឡើងនៅម៉ោង១ និង៤០នាទីរំលងអធ្រាត្រ ឈានចូលថ្ងៃទី២៩ ខែកក្កដា ឆ្នាំ២០១៩នៅតាមបណ្ដោយផ្លូវជាតិលេខ៣កែងនិងផ្លូវ៣០ម៉ែត្រ ភូមិទួលកី សង្កាត់ភ្លើងឆេះរទេះ ខណ្ឌកំបូល ។
-ជនរងគ្រោះដែលស្លាប់មានឈ្មោះ ហួត សំអុល ភេទប្រុស អាយុ៣២ឆ្នាំ មុខរបរកងទ័ព វិស្វកម្ម រស់នៅភូមិអង្គ សង្កាត់ ប្រទះឡាង ខណ្ឌកំបូល ។ រីឯអ្នកបើករថយន្ត របួសស្រាល មានឈ្មោះ ឆាយ សីហា ភេទប្រុស អាយុ២៦ឆ្នាំ រស់នៅជាមួយអ្នកស្លាប់និងម្នាក់ទៀតរបួសធ្ងន់មិនទាន់ស្គាល់អត្តសញ្ញាណ។
យោងតាមប្រភពពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តហុីយិនដាយ ពណ៌ស ពាក់ស្លាកលេខ ភ្នំពេញ3B-5183 បើកតាមបណ្តោយផ្លូវជាតិលេខ៣ ទិសដៅពីជើងទៅត្បូង ខណៈមកដល់ផ្លូវបំបែកបានបត់ឆ្វេងឆ្លងចូលទៅផ្លូវ៣០ម៉ែត្រមិនប្រយ័ត្ន ស្រាប់តែមានរថយន្តឡិចសុីស RX400h ពណ៌ទឹកប្រាក់ ពាក់ស្លាកលេខ ភ្នំពេញ2AS-5066 បើកតាមបណ្តោយផ្លូវជាតិលេខ៣ទិសដៅពីត្បូងទៅជើងបញ្រ្ចាស់ទិសគ្នាយ៉ាងលឿន ក៏ជ្រុលបុកគូទចំហៀងខាងស្តាំផ្នែកខាងក្រោយពេញទំហឹង ធ្វើឲ្យកំពិតគៀបអ្នកជិះជិតតៃកុងស្លាប់នៅនិងកន្លែង ចំណែកតៃកុងរបួសស្រាល និងអ្នកអង្គុយក្រោយរបួសធ្ងន់ ត្រូវរថយន្តសាមុយដឹកទៅសង្រ្គោះ បន្ទាន់ ។
ក្រោយកើតហេតុភ្លាមៗ អ្នកបើករថយន្តហុីយិនដាយ បានចុះរត់គេចខ្លួនបាត់ បន្ទាប់មកសមត្ថកិច្ចមូលដ្ឋានបានទៅដល់ ទាក់ទងទៅជំនាញចរាចរណ៏មកវាស់វែងយករថយន្តទាំងពីរគ្រឿងទៅរក្សាទុកនៅនគរបាលចរាចរណ៍ផ្លូវគោកនៃស្នងការនគរបាលរាជធានីភ្នំពេញ រងចាំម្ចាស់រថយន្តទាំងពីចូលខ្លួនដោះស្រាយគ្នាពេលក្រោយ។ ចំណែក សពសមត្ថកិច្ចធ្វើកំណត់ហេតុរួចប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
