(ព័ត៌មានបឋម) រន្ធត់ទៀតហើយក្រឡាប់រថយន្តសាំយ៉ុងរបួសមនុស្សជាច្រើននាក់
ភ្នំពេញ ៖ គ្រោះថ្នាក់ចរាចណ៍ក្រឡាប់រថយន្តគួរឲ្យរន្ធត់២ថ្ងៃជាប់គ្នានៅខេត្តស្វាយរៀង លើកនេះរថយន្ដដឹកមាន់ បុកជាមួយរថយន្តសាំយ៉ុងដឹកកម្មកររោងចក្រ លាន់លឺដូចរន្ទះ បណ្ដាលឲ្យរថយន្តសាំយ៉ុងក្រឡាប់ របួសកម្មការិនី ធ្ងន់និងស្រាលជាច្រើននាក់បង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចចុះមកជួយអន្តរាគមន៍បញ្ជូនអ្នករបួសទៅសង្គ្រោះនៅមន្ទីរពេទ្យជាបន្តបន្ទាប់ តែមិនមានអ្នកស្លាប់បាត់បង់ជីវិតនោះទេ ។
-គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងនៅព្រឹកព្រលឹមស្រាងៗថ្ងៃទី៣១ ខែកក្កដា ឆ្នាំ២០១៩ នៅត្រង់ចំណុចខាងលិចរង្វង់មូលនាគព័ន្ធ ទីរួមខេត្តស្វាយរៀង។
បើយោងតាមប្រភពបានអោយដឹងថា ភ្លាមៗកម្លាំងនគរបាលអធិការស្រុក ស្នងការខេត្ត ចុះជួយអន្តរាគមន៍សង្គ្រោះ ដោយបញ្ជូនទៅកាន់មន្ទីរពេទ្យ តែមិនទាន់ទទួលបានតួលេខពីអ្នករបួសច្បាស់លាស់ប៉ុន្មាននាក់នៅឡើយទេ ៕
