សង្ស័យស្រវឹងបើករថយន្តបុករបាំថ្មចែកផ្លូវរលំមួយផ្ទាំងរថយន្តខ្ទេចផ្នែកខាងមុខ
ភ្នំពេញ៖ បុរសម្នាក់រួមដំណើរនិងបុរស២នាក់ទៀតបើករថយន្ត រេចង្កូតទៅបុករបាំងថ្មចែក ផ្លូវរលំមួុយផ្ទាំងរថយន្តខូចខាតផ្នែកខាងមុខយ៉ាងដំណំទៅលេងរួច សំណាងមិនបង្កឲ្យមានអ្នករងរបួស។
ហេតការណ៍នេះកើតឡើងកាលពីវេលាម៉ោង១២និង៣០នាទីយប់រំលងអាធ្រាត្រឈានចូលថ្ងៃទី១៣ខែសីហាឆ្នាំ២០១៩ នៅមុខខារ៉ាអូខេ ប៊េស្តារ តាមបណ្តោយផ្លូវ៥៩៨ សង្កាត់ភ្នំពេញថ្មី ខណ្ឌសែនសុខ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់រួមដំណើរនិងបុរស២នាក់ទៀតបើករថយន្តមួយគ្រឿងម៉ាកMatizពណ៌ក្រហម ស្លាកលេខភ្នំពេញ2F-9203ធ្វើដំណើរតាមបណ្ដោយផ្លូវ៥៩៨ទិសដៅពីជើងទៅត្បូង លុះមកដល់ចំណុចកើតហេតុបានរេចង្កូតជ្រុលទៅបុករបាំងថ្មចែកទ្រូងផ្លូវរលំមួយផ្ទាំងចំណែករថយន្តបង្កខូចខាតផ្នែកខាងមុខយ៉ាងដំណំទៅមុខលែងរួច។ ចំណែកអ្នកបើកបរនិងអ្នករួមដំណើរចេញពីរថយន្ត គេចខ្លួនបាត់អស់។
ក្រោយកើតហេតុសមត្ថកិច្ចមូលដ្ឋានបានចុះមកដល់និងបានទំនាក់ទំនងទៅសមត្ថកិច្ចជំនាញមកធ្វើកាវាស់វែងយករថយន្តបង្កទៅរក្សាទុកនៅការិយាល័យចរាណ៍ផ្លូវគោករាជធានីភ្នំពេញរងចាំដោះស្រាយតាមផ្លូវច្បាប់៕
