ខ្លាំងមែន!ទីតាំងណេត បង្កប់សុីសង( U88 Cafe ) បើកនៅក្បែប៉ុស្តិនគរបាល ច្បារអំពៅ២ សូម្បីតែអាជ្ញាធរនិងសមត្ថកិច្ចក៏មិនហ៊ានបង្ក្រាបដែរ
ភ្នំពេញ៖ ទីតាំង ណេត បង្កប់ល្បែងសុីសង មួយកន្លែង យីហោ( U88 Cafe ) នៅខាងក្រោយប៉ុស្តិ៍នគរបាល ច្បារអំពៅ២ តាមបណ្ដោយផ្លូវ៣៦១ ក្នុងសង្កាត់ ច្បារអំពៅ២ ខណ្ឌច្បារអំពៅ កំពុងបើកដំណើរការទទួលក្រុមអ្នកញៀនល្បែងបានយ៉ាងរលួន ដោយមិនរំខានដល់ អាជ្ញាធរមានសមត្ថកិច្ចខណ្ឌច្បារអំពៅ ឡើយ បើទោះជាមានបទបញ្ជា របស់ ឯកឧត្ដម ឃួង ស្រេង អភិបាល នៃគណៈអភិបាល រាជាធានីភ្នំពេញយ៉ាងណាក៏ដោយ ។
បើតាមប្រភពរាយការណ៍ពីប្រជាពលរដ្ឋបានឲ្យដឹងថា ទីតាំងណេតបង្កប់ល្បែងសុីសង មួយនេះបើកនៅក្បែប៉ុស្តិនគរបាល ច្បារអំពៅ២ តែងតែមានក្រុមអ្នកញៀនល្បែងចេញចូល បង្កភាពអសន្តិសុខ ក្នុងមូលដ្ឋានតែមិនឃើញអាជ្ញាធរនិងសមត្ថកិច្ចចុះបង្ក្រាបឡើយ ហាក់ធ្វើមិនឃើញ សង្ស័យតែត្រូវថ្នាំសណ្ដំរបស់ម្ចាស់ បនល្បែងហើយមើលទៅទើបមិនបង្ក្រាប់ ។
-ពលរដ្ឋរងចាំមើលថា តើអាជ្ញាធរមានសមត្ថកិច្ចខណ្ឌច្បារអំពៅហ៊ានបង្ក្រាបទីតាំងណេត បង្កប់ល្បែងមួយនេះដែរទេ ?
គួររំលឹកថា កន្លងមកសម្ដេចក្រឡាហោម សខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃធ្លាប់ដាក់បទបញ្ជាឲ្យមន្ត្រីនគរបាលដែលពាក់ពន្ធ័នៅក្រោមឱវ៉ាទត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទមិនត្រូវមានការយោគយល់ឡើយមិនតែប៉ុណ្ណោះនៅពេលថ្មីៗនេះទៀតឯកឧត្តមឃួងស្រេងអភិបាលនៃគណៈអភិបាលរាជធានីភ្នំពេញក៏ធ្លាប់បានប្ដេជ្ញានិង ដាក់បទបញ្ជារយ៉ាងម៉ឺងម៉ាត់ឲ្យលោកអភិបាលនិងលោកអធិការខណ្ឌទាំង១៤ត្រូវតែទប់ស្កាត់និងបង្រ្កាបល្បែងស៊ីសងគ្រប់ប្រភេទដូចគ្នាផងដែរដើម្បីធានាឲ្យបាននូវភូមិឃុំមានសុវត្តិភាព៩ចំណុចជូនប្រជាពលរដ្ឋ៕
