បើករថយន្តងោកជ្រុលចង្កូតបុកបង្កាន់ដៃអាកាសស្ពានអាកាសផ្សារដីហុយរងការខូចខាត
ភ្នំពេញ៖ បុរសម្នាក់បើករថយន្តក្រឡុកសុីម៉ង់ត៍ងោកមួយភាំងជ្រុលចង្កូតទៅបុកបង្កាន់ដៃស្ពានអាកាសផ្សារដីហុយ ប្រេះ ចំណែករថយន្ត ខូចខាតផ្នែកខាងមុខយ៉ាងដំណំ ទៅលេងរួច សំណាងអ្នកបើកបរមិនមានរបួស
គ្រោះថ្នាក់នេះកើតឡើងកាលពីវេលាម៉ោង៣ទៀបភ្លឺឈានចូលថ្ងៃទី១៧ខែសីហាឆ្នាំ២០១៩ នៅចំណុចគល់ស្ពានអាកាសផ្សារដីហុយ ផ្នែកខាងលិច តាមបណ្តោយផ្លូវសហពន្ធ័រុស្សីក្នុងសង្កាត់អូបែកក្អម ខណ្ឌសែនសុខ
បើតាមសម្ដីអ្នកបើកបរបានឲ្យដឹងថា មុនកើតរូបគាត់បានបើករថយន្តក្រឡុកសុីម៉ង់ត៍ ពណ៌ស ពាក់ស្លាកលេខភ្នំពេញ5A-2651ចេញពីម្តុំទំបន់កប់ស្រូវគោលបំណងយក បេតុងទៅចាក់នៅក្រុមហ៊ុន ប៊ូយ៉ុង ដោយធ្វើដំណើរ តាមបណ្តោយផ្លូវសហពន្ធ័រុស្សីទិសដៅពីលិចទៅកើតខណះមកដល់ចំណុចកើតហេតុ រូបគាត់បានងោកមួយភាំង ក៏ជ្រុលទៅបុកបង្កាត់ដៃស្ពានតែម្ដង ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយតាមផ្លូវច្បាប់៕
