បុរស២នាក់រលាកដៃជើងពេលចូលទៅជួយពន្លត់ភ្លើងឆេះពូកក្នុងបន្ទប់ឡៅតឿផ្ទះអ្នកជិតខាង
ភ្នំពេញ ៖ ទុស្សេកង្ហាល់ឆេះ ដល់ពូកដេកក្នុងបនបន្ទប់ឡៅតឿជាន់២ផ្ទះល្វេងមួយកន្លែងបង្កការភ្ញាកផ្អើលដល់អ្នកជិតខាងចូលទៅជួយឆេះរលាត់ដៃជើង២នាក់ ៖ ហេតុការណ៍នេះកើតឡើងកាលពីវេលាម៉ោង១០និង៤០នាទីយប់ថ្ងៃទី២០ខែសីហាឆ្នាំ២០១៩ នៅបន្ទប់ឡៅតឿជាន់ទី២ផ្ទ្ទះល្វេងលេខ៦៥៦ផ្លូវលេខ២៥៣ សង្កាត់ទឹកល្អក់៣ ខណ្ឌទួលគោក។
បើតាមការៀបរាប់ពីម្ចាស់ផ្ទះបានឲ្យដឹងថាមុនកើតហេតុកូនស្រីរបស់គាត់សម្រាកនៅបន្ទប់កើតហេតុ លុះដល់ម៉ោងកើតហេតុកូនស្រីរបស់គាត់បានរត់ចេញមកក្រៅហើយស្រែកប្រាប់ថាទុស្សេកង្ហាល់ ឆេះរាលដាលដល់ពូកទើបគាត់ស្រែកឆោឡោផ្អើលដល់អ្នកជិតខាង យកបំពង់ពន្លត់អគ្គីភ័យមកបាញ់អស់ជាច្រើនបំពង់ទើបរលត់វិញ តែធ្វើឲ្យបុរស២នាក់ឆេះរលាត់ដៃនិងជើង ។
បន្ទាប់ពីកើតហេតុកម្លាំងសមត្ថកិច្ចបានចុះមក ដល់ ម្ចាស់ផ្ទះបញ្ជាក់ថា ខូចខាតសម្ភារៈមួយចំនួននិងបុរសជិតខាង២នាក់ដែលចូលជួយរងរបួសរលាកដៃនិងជើង ៕
