ខ្លាំងមែន!ចិនស្រវឹងស្រាបើករថយន្តBMWបុកដើមឈើក្នុងបូរីហ្គ្រេនភ្នំពេញបាក់១ដើម
ភ្នំពេញ៖ បុរសជនជាតិចិនម្នាក់ស្រវឹងស្រា បើករថយន្តស៊េរីទំនើបម៉ាកBMW លឿនមិនប្រយត្ន័ រេចង្គុត ទៅបុកដើមឈើ នៅចិញ្ចើមផ្លូវក្នុងបូរីហ្គ្រេនភ្នំពេញ បាក់១ដើមរថយន្ត ខ្ទេចផ្នែកខាងមុខទៅលេងរួច
គ្រោះថ្នាក់ចរាចរណ៍នេះកើតឡើងកាលពីវេលាម៉ោង១១និង៣០ នាទីយប់ថ្ងៃទី២១ខែសីហាឆ្នាំ២០១៩ នៅតាមផ្លូវបេតុងក្នុងបុរីហ្គ្រេនភ្នំពេញ សង្កាត់ឃ្មួញ ខណ្ឌសែនសុខ។
ប្រភពព័ត៌មានពីសន្តិសុខយាមនៅក្នុងបូរីបានឲ្យដឹងថាមុនកើតហេតុគេឃើញបុរសម្នាក់ជាជនជាតិចិន បើករថយន្តម៉ាកBMWពណ៌សស្លាកលេខភ្នំពេញ2AU-1587 បើកចូលក្នុងបុរីហ្គ្រេនភ្នំពេញទិសដៅពីលិចទៅកើតខណៈមកដល់ចំណុចកើតហេតុបានរេចង្កូតមកស្ដាំបុកដើមឈើ បាក់១ដើម រថយន្តបែកខ្ទេចផ្នែកខាងមុខ សំណាងអ្នកបើកមិនមានរងរបួស ។ខ្ទេចផ្នែកខាងមុខទៅលេង
ក្រោយកើតហេតុសមត្ថកិច្ចមូលដ្ឋានចុះមកដល់ដោយពិនិត្យឃើញថាដើមឈើរបស់ក្រុមហ៊ុនបុរី ទើបសមត្ថកិច្ចឲ្យម្ចាស់រថយន្តបង្ក ធ្វើការដោះស្រាយគ្នាដើម្បីបញ្ចប់រឿង៕ក
