រថយន្តធំដឹកទំនិញសាកកម្លាំងគ្នារបួសធ្ងន់និងស្រាល៤នាក់
ព្រះសីហនុ៖ រថយន្តដឹកទំនិញគ្រឿងសាកកម្លាំងគ្នាទាំងព្រឹករងរបួសធ្ងន់និង៤នាក់ខូចខាតរថយន្តសងខាង ៖ គ្រោះថ្នាក់ចរាចរណ៍នេះបានកើតឡើងកាលវេលាម៉ោង៥ព្រឹក ថ្ងៃទី២៨ខែសីហាឆ្នាំ២០១៩ តាមបណ្ដោយ ផ្លូវជាតិលេខ៤ ចន្លោះគីឡូម៉ែត្រលេខ ១០៨-១០៩ ភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ។
សមត្ថកិច្ចបានឲ្យដឹងថា រថយន្ត ទាំង២គ្រឿង បើកបរទិសដៅបញ្ច្រាសគ្នា រថយន្តទី១៖ពាក់ស្លាកលេខភ្នំពេញ 3A-6631 ជិះគ្នា៣នាក់ អ្នកបេីករថយន្តមានឈ្មោះ ចក់ ភេទប្រុសអាយុ២២ឆ្នាំ រងរបួសបាក់ជេីងឆ្វេង មានទីលំនៅស្រុកអង្គស្នួល ខេត្តកណ្តាល។
ចំណែកអ្នករួមដំណើរទី១៖ មានឈ្មោះ សែ សំអូន អាយុ៣៤ឆ្នាំ ភេទប្រុស របួសស្រាល មានទីលំនៅស្រុកអង្គស្នួល ខេត្តកណ្តាល
និងទី២ឈ្មោះ ជឿន សុខពៅ អាយុ១៧ឆ្នាំ ភេទប្រុសរងរបួសស្រាល មានទីលំនៅភូមិទ្រាល សង្កាត់ស្វាយដង្គុំ ក្រុងសៀមរាប ខេត្តសៀមរាប។
-ចំណែករថយន្តទី២ ពាក់ស្លាកលេខភ្នំពេញ 3B-7801 អ្នកបេីកបរមានឈ្មោះ អូន សម្ភស្ស ភេទប្រុស អាយុ២៥ឆ្នាំរងរបួសបាក់ជេីងឆ្វេង មានទីលំនៅភូមិជលា ឃុំជលា ស្រុកបាធាយ ខេត្តកំពង់ចាម ។
ក្រោយកើតហេតុជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យ ។ ដោយឡែករថយន្តទាំង០២គ្រឿង ត្រូវបានសមត្ថកិច្ចធ្វើការវាស់វែង យកទៅរក្សាទុកនៅអធិការដ្ឋាននគរបាលស្រុកកំពង់សីលារងចាំដោះស្រាយ តាមច្បាប់ ៕
