ជិះម៉ូតូលឿនមិនប្រយត្ន័ជ្រុលបុករថយន្តកុងទីន័រពីក្រោយស្លាប់ ឯរថយន្ត បើកគេចបាត់
ភ្នំពេញ៖ យុវជនម្នាក់ ជិះម៉ូតូហុងដាឌ្រីម០១៧ លឿនមិនបានប្រយត្ន័ជ្រុលទៅបុករថយន្តកុងទីន័រពីក្រោយដួលបោកក្បាលស្លាប់នៅនិងកន្លែង
គ្រោះថ្នាក់ចរាចរណ៍គួរឲ្យសង្វេកនេះកើតឡើងកាលពីវេលាម៉ោង១១យប់ ថ្ងៃទី២៩ ខែសីហា ឆ្នាំ២០១៩ នៅតាមបណ្ដោយផ្លូវ វេងស្រេង កែងផ្លូវ ដួងងៀបក្នុងសង្កាត់ស្ទឹងមានជ័យ៣ ខណ្ឌមានជ័យ ។
សពជនរងគ្រោះមានឈ្មោះ សេង មិថុនាភេទប្រុស អាយុ២១ឆ្នាំមុខរប(ជាងមាស)នៅអូឬស្សី មានស្រុកកំណើត នៅភូមិតាប៉ាវ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញជនរងគ្រោះជិះម៉ូតូ១គ្រឿងម៉ាកហុងដាឌ្រីមស៊េរី២០១៧ ពណ៌ខ្មៅពាក់ស្លាកលេខត្បូងឃ្មុំ1E-6887ធ្វើដំណើរតាមបណ្ដោយផ្លូវវេងស្រេង ក្នុងល្បឿនលឿនទិសដៅពីលិចទៅកើតខណៈមកដល់ចំណុចកើតហេតុក៏ជ្រុលទៅបុករថយន្តកុងទីន័រមួយគ្រឿងមិនចាំស្លាកលេខបើកនៅខាងមុខពីក្រោយពេញទំហឹងដួលបោកក្បាលស្លាប់ភ្លាមៗនៅនិងកន្លែង។ចំណែករថយន្តបានបន្តដំណើរទៅមុខបាត់ស្រមោល។
ក្រោយកើតហេតុសមត្ថកិច្ចមូលដ្ឋាននិងជំនាញចុះមកធ្វើកាវាស់វែងយកម៉ូតូទៅរក្សាទុកបណ្តោះអាសន្នរងចាំប្រគជូនសាច់ញាតិវិញ។ ចំណែកឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅស្រុកកំណើតធ្វើបុណ្យតាមប្រពៃណី៕
