រន្ធត់ណាស់ព្រះអើយ! បុរស២នាក់កំពុងជិះម៉ូតូត្រូវរថយន្តបុកផ្លោងជាច្រើនម៉ែត្រស្លាប់យ៉ាងអាណោចអធម៌
ភ្នំពេញ៖ គួរឲ្យរន្ធត់បុរស២នាក់ត្រូវ រថយន្តឡិចសុីសRX300 បើកបុកពេញទំហឹងផ្លោងជាច្រើនម៉ែត្រស្លាប់ ភ្លាមៗគួរឲ្យសង្វេក
-គ្រោះថ្នាក់ចរាចរណ៍នេះកើតឡើងកាលពីវេលាម៉ោង១២និង១០ នាទីរំលងអាធ្រាត្រចូលថ្ងៃទី៣១ខែសីហាឆ្នាំ២០១៩ នៅចំណុច មុខមូលដ្ឋានអាវុធហត្ថកំបូល តាមបណ្តោយផ្លូវជាតិលេខ៤ សង្កាត់កន្ទោក ខណ្ឌពោធិសែនជ័យ។
សពជនរងគ្រោះទាំង២នាក់មិនទាន់ស្គាល់អត្តសញ្ញញាណនោះទេ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តឡិចសុីសRX-300ពណ៌ស ពាក់ស្លាកលេខភ្នំពេញ2AR-4230ធ្វើដំណើរតាមផ្លូវជាតិលេខ៤ ទិសដៅពីលិចទៅកើតក្នុងល្បឿនលឿនយ៉ាងលឿន ខណៈមកដល់ចំនុចកើត ហេតុបានរេចង្កូតមកឆ្វេងដៃជ្រុលទៅបុកម៉ូតូសង់កូរ៉េ ពណ៌ក្រហមមួយគ្រឿងគ្មានស្លាកលេខធ្វើដំណើរបញ្ច្រាស់គ្នា ពេញទំហឹងផ្លោង ជនរងគ្រោះបោកនិងថ្នល់ស្លាប់ភ្លាមៗនិងអូសម៉ូតូជាច្រើនម៉ែត្រដាច់ជាពីខូចខាតទាំងស្រុង ។ ចំណែករថយន្តបង្ករេចង្កូតទៅបោកផ្ទប់ និងបង្គូលភ្លើងបំភ្លឺផ្លូវធ្លាក់អំពូលមកក្រោមទៅមុខលេងរួច ភ្លាមៗអ្នកបើកបរបានចុះគេចខ្លួនបាត់ ។
ក្រោយពេលកើតហេតុ សមត្ថកិច្ច មូលដ្ឋាននិងជំនាញ ចុះមកវាស់វែង ដើម្បីយករថយន្តបង្កនិងម៉ូតូទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយទៅតាមផ្លូវច្បាប់ ។ ដោយសពជនរងគ្រោះទាំងពីរនាក់សមត្ថកិច្ចធ្វើការស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕
