សមត្ថកិច្ចឃាត់ខ្លួនជនសង្ស័យ៧នាក់រួមនិងថ្នាំញៀន២២កញ្ចប់

កំពង់ចាម៖ កម្លាំងសមត្ថកិច្ចការិយាល័យប្រឆាំងគ្រឿង ញៀន​​ សហការជាមួយកម្លាំងអធិការដ្ឋាននគរបាលស្រុកស្ទឹងត្រង់ បេីកកិច្ចប្រតិបត្តិការបង្ក្រាបករណី​ជួញដូរគ្រឿង ញៀន ឃាត់ខ្លួនជនសង្ស័យបាន៧នាក់
ប្រតិបត្តិការបង្ក្រាបនេះបានធ្វើឡើងកាលពីវេលាម៉ោង២ និង០០នាទីរសៀលថ្ងៃទី០៥ ឧសភាឆ្នាំ២០១៨ នៅចំណុចភូមិអូរបេង ឃុំមេស ស្រុកស្ទឹងត្រង់ ខេត្តកំពង់ចាម ។

សមត្ថកិច្ចបានឲ្យដឹងថាជនសង្ស័យដែលឃាត់ខ្លួនទាំង៧នាក់ រួមមាន៖ ទី១-ឈ្មោះ ហ៊ួរ ហ៊ុយទី ហៅទ្រី ភេទប្រុស អាយុ ១៨ឆ្នាំ​ ជនជាតិខ្មែរ នៅភូមិត្រពាំងឈូក ឃុំមេសជ្រៃ​ ស្រុកស្ទឹងត្រង់ ខេត្តកំពង់ចាម ៖ ទី២-ឈ្មោះ ស្រឿង សេងអាង​ ភេទប្រុស​ អាយុ២៧ឆ្នាំ​ ជនជាតិខ្មែរ នៅភូមិហុងប្រម៉ា ឃុំដងក្តារ ស្រុកស្ទឹងត្រង់ ខេត្តកំពង់ចាម ៖ ទី៣-ឈ្មោះ លីម គីមលាង ភេទប្រុស អាយុ១៩ឆ្នាំ ជនជាតិខ្មែរ ៖ ទី៤-ឈ្មោះ សុះ​ សុខគ្រី ភេទប្រុស អាយុ២៣ឆ្នាំ ៖ ទី៥-ឈ្មោះ ស្លេះ​ អារីហ្សី ភេទប្រុស អាយុ២៨ឆ្នាំ​ ៖ ទី៦-ឈ្មោះ ម៉ាន សាឡឹម ភេទប្រុស អាយុ២៧ឆ្នាំ ៖ ទី៧-ឈ្មោះ ញ៉ រដ្ឋា ភេទប្រុស អាយុ២៩ឆ្នាំ ជនជាតិខ្មែរ អ្នកទាំង០៥នាក់ នៅភូមិអូរបេង ឃុំមេសជ្រៃ ស្រុកស្ទឹងត្រង់ ខេត្តកំពង់ចាម។
វត្ថុតាងដកហូតរួមមាន ៖ ម្សៅក្រាមពណ៌សសង្ស័យថ្នាំញៀនចំនួន២២កញ្ចប់(ធំ០៣កញ្ចប់ និងតូច១៩កញ្ចប់) ម៉ូតូ០៣គ្រឿង ទូរស័ព្ទដៃ០៥គ្រឿង ឧបករណ៍សេព​ និងសម្ភារ:វេចខ្ចប់មួយចំនួន។

បច្ចុប្បន្នជនសង្ស័យទាំង០៧នាក់រួមនិងវត្ថុតាងត្រូវបានសមត្ថកិច្ច ធ្វើការសាកសួរនិងកសាងសំណុំរឿងចាត់ការបន្ត តាមនិតិវិធីច្បាប់ ៕