រថយន្តពីរគ្រឿងប៉ះគ្នាបន្តិចបន្តួចប្រកែកយកត្រូវរៀងខ្លួន ចុងក្រោយ នគរបាល…
ភ្នំពេញ៖ រថយន្តឡិចសុីសនិងរថយន្តក្រឡុកសុីម៉ង់ត៍ប៉ះគ្នាម្ចាស់ប្រកែកយកត្រូវរៀងៗខ្លួន
គ្រោះថ្នាក់ចរាចរណ៍នេះបង្កឲ្យមានការភ្ញាក់ផ្អើលកាលពីវេលាម៉ោង០៧និង២០នាទីយប់ថ្ងៃទី៣ខែកញ្ញាឆ្នាំ២០១៩ ត្រង់ចំណុចផ្លូវបែកជាបួន ស្តុបផ្សារមាន់អាំង តាមបណ្តោយផ្លូវ៣១៥ កែងនិងផ្លូវ៥៩២ ក្នុងសង្កាត់បឹងកក់ទី២ ខណ្ឌទួលគោក។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តក្រឡុកសុីម៉ង់ត៍មួយគ្រឿងម៉ាកHINO ពណ៌ស ស្លាកលេខភ្នំពេញ 5A-2051បើកដោយបុរសម្នាក់ធ្វើដំណើរ តាមបណ្តោយផ្លូវ៥៩២ ទិសដៅពីលិចទៅកើត លុះមកដល់ចំណុចកើតហេតុបានពាក់កណ្តាលស្តុប ស្រាប់តែរថយន្តមួយគ្រឿងទៀត ម៉ាកឡិចសុីសTRDពណ៌ស ស្លាកលេខភ្នំពេញ2AH-7853 បើកដោយបុរសជនជាតិជប៉ុនម្នាក់រួមដំណើរនិងស្ត្រីក្មេងចាស់បីនាក់ទៀត ធ្វើដំណើរពីត្បូងទៅជើងជ្រុលទៅបុក រថយន្តក្រឡុកសុីម៉ង់ត៍ ចំកាងមុខផ្នែកខាងស្តាំ ខូចខាតទាំងសងខាង បន្ទាប់មកភាគីទាំងពីរប្រកែកគ្នាយកត្រូវរៀងៗខ្លួន ។
ក្រោយចរចារមិនត្រូវគ្នាសមត្ថកិច្ច ចរាចរណ៍វាស់វែងយករថយន្តទាំង២គ្រឿងទៅរក្សា ទុកនៅអធិការដ្ឋាននគរបាលខណ្ឌទួលគោក រងចាំដោះស្រាយគ្នានៅពេលក្រោយ ៕
