ស្លាប់ម្នាក់របួសធ្ងន់ស្រាល៤នាក់ក្នុងហេតុការណ៍រថយន្ត២គ្រឿងបុកគ្នា
ព្រះសីហនុ៖ យ៉ាងហោចណាស់មានមនុស្សម្នាក់បានស្លាប់និង៤នាក់ផ្សេងទៀតរងរបួសធ្ងន់និងស្រាលនៅក្នុងហេតុ ការណ៍គ្រោះថ្នាក់ចរាចរណ៍មួយកើតឡើងកាលពីវេលា ម៉ោង៦និង៤០នាទីព្រឹកថ្ងៃទី១៥ខែមិថុនាឆ្នាំ២០១៨ នៅលើ កំណាត់ផ្លូវជាតិលេខ៤ ត្រង់ចំណុចភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។
ជនរងគ្រោះដែលស្លាប់បាត់បង់ជីវិតនៅនឹងកន្លែងកើតហេតុ ភេទស្រី មិនទាន់ស្គាល់អត្តសញ្ញាណ។ ចំណែកអ្នករងរបួស ៤នាក់ ទី១/ ឈ្មោះ ឡាញ់ ស៊ីណា ភេទស្រី អាយុ១៨ឆ្នាំ មុខរបរកម្មកររោងចក្រ មានទីលំនៅភូមិបឹងវែងឃុំ វាលរេញស្រុកព្រៃនប់។ ២/ ឈ្មោះ ង៉ែត គឹមលី ភេទស្រី អាយុ២៥ឆ្នាំ មុខរបរ កម្មកររោងចក្រ មានទីលំនៅភូមិសំរុងលើ ឃុំសំរុង ស្រុកព្រៃនប់។ ៣/ឈ្មោះ ស្រស់ ធារ៉ា ភេទស្រី អាយុ២១ឆ្នាំ មុខរបរ កម្មកររោងចក្រ មានទីលំនៅភូមិតាអោងធំ ឃុំសាមគ្គី ស្រុកព្រៃនប់ អ្នកទាំងបីរងរបួសមធ្យម។ ៤/ឈ្មោះ ស៊ីន ណាង ភេទប្រុស អាយុ២១ឆ្នាំ មុខរបរកម្មកររោងចក្រ មានទីលំនៅភូមិផ្អាវ ឃុំទឹកល្អក់ ស្រុកព្រៃនប់ រងរបួសធ្ងន់។
បើតាមប្រភពនៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តមួយគ្រឿងម៉ាកសាំយ៉ុង ពណ៌ ទឹកប្រាក់ ពាក់ស្លាកភ្នំពេញ 2F-8521 បើកបរទិសដៅពី ភ្នំពេញទៅខេត្តព្រះសីហនុ ដឹកកម្មករពេញរថយន្ត លុះមក ដល់ចំណុចកើតហេតុ បានបើកវ៉ាស្តាំ បណ្ដាលឲ្យជ្រុលទៅបុកពីក្រោយរថយន្តដឹកកម្មករមួយគ្រឿងទៀតដែលកំពុងឈប់លើចិញ្ចើមផ្លូវ ម៉ាកសាំងយ៉ុង ពណ៌ទឹកប្រាក់ពាក់ ស្លាកលេខព្រះសីហនុ 2H-5382 បណ្តាលឲ្យនារីម្នាក់ស្លាប់បាត់បង់ជីវិតភ្លាមៗនៅនិងកន្លែងកើតហេតុគួរឲ្យរន្ធត់ ដោយ កម្មកប្រុសស្រី៤នាក់ផ្សេងទៀតរងរបួសធ្ងន់និងស្រាល ត្រូវបានសមត្ថកិច្ចបញ្ជួនទៅសង្គ្រោះនៅមន្ទីរពេទ្យ ។ ចំណែកអ្នកបើករថយន្តបង្កបន្ទាប់ពីកើតហេតុបានរត់គេចខ្លួនបាត់ ស្រមោល ។
ក្រោយពេលកើតហេតុសមត្ថកិច្ចធ្វើការវាស់វែងយករថយន្តទាំង២គ្រឿងទៅរក្សាទុកនៅអធិការស្រុកព្រៃនប់រងចាំដោះ ស្រាតាមផ្លូវច្បាប់ ។ ដោយសពជនរងគ្រោះធ្វើកំណត់ហេតុ រងចាំសាច់ញ្ញាណមកទទួលយកទៅធ្វើបុណ្យតាមប្រពៃណី៕
