កម្លាំងអាវុធហត្ថរាជធានីភ្នំពេញឆ្មក់បង្ក្រាបហាងចិនម៉ាស្សាបង្កបសេវាកម្មផ្លូវភេទ៤កន្លែង ឃាត់មនុស្ស២៩នាក់
ភ្នំពេញ៖ កម្លាំងអាវុធហត្ថរាជធានីភ្នំពេញ សហការជាមួយកម្លាំងអាវុធហត្ថខណ្ឌពោធិ៍សែនជ័យចុះបង្ក្រាប ហាងចិន ៤កន្លែងដែលបង្កប់សេវាផ្លូវភេទឃាត់ជនជាតិចិន និងវៀតណាមចំនួន២៩នាក់។
ប្រតិបត្តិការណ៍នេះ ធ្វេីឡេីងកាលពីវេលាម៉ោង៨យប់ថ្ងៃទី៨ ខែកញ្ញា ឆ្នាំ២០១៩ នៅទីតាំងហាង៤កន្លែងជិតៗគ្នា ដែលទីតាំងទី១- មានយីហោ កន្លែងសំរាកកាយ - ទី២យីហោ អេស៊ាងទីស្បាម៉ាស្សា - ទី៣ យីហោ សំរាកលំហែរម៉ាស្សា - ទី៤យីហោ ម៉ាស្សាផ្ទះក្រហម - ទីតាំងទាំង៤ នៅតាមផ្លូវលេខ១១៣k ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា ទីតាំងខាងលេីជារបស់ជនជាតិចិនជួល បេីកហាង ដោយមានបុគ្គលិកនារីៗជាជនជាតិចិននិងវៀតណាមជាច្រេីន ដោយសង្ស័យទីតាំងខាងលើបង្កបសេវាផ្លូវភេទ។
បន្ទាប់ពីទទួលបានសេចក្ដីរាយការណ៍ពីប្រជាពលរដ្ឋកម្លាំងអាវុធហត្ថរាជធានីភ្នំពេញបានធ្វេីការស្រាវជ្រាវ និងសេីបអង្កេតរហូតឈានដល់ការបង្ក្រាបជាក់ស្តែងតែម្តង។
ប្រភពបន្តថា ក្នុងប្រតិបត្តិការនេះកម្លាំងអាវុធហត្ថធ្វេីការឃាត់ខ្លួនមនុស្សប្រុសស្រី២៩នាក់ ក្នុងនោះនារីចំនួន១៧នាក់ ជនជាតិចិន១៤នាក់ វៀតណាម៣នាក់និងបុរសជនជាតិចិន១២នាក់។
ក្រោយឃាត់ខ្លួន ជនសង្ស័យខាងលេីរួចត្រូវបាន កម្លាំងជំនាញនាំខ្លួនទៅទីបញ្ជាការអាវុធហត្ថរាជធានីភ្នំពេញដេីម្បីកសាងសំណុំរឿងចាត់ការតាមច្បាប់ ដោយឡែកទីតាំងទាំង៤ត្រូវបានបិតទ្វាបណ្តោះអាសន្ន៕
