លួចម៉ូតូនិងទូរសព្ទ័បានសម្រេចគេចខ្លួនជាច្រើនម៉ោងចុងក្រោយ…
កំពង់ឆ្នាំង៖ ជនសង្ស័យម្នាក់ត្រូវបានកម្លាំងសមត្ថកិច្ចចាប់ខ្លួនវាយខ្នោះ បន្ទាប់ពីធ្វើសកម្មភាពលួច ម៉ូតូនិងទូរសព្ទ័ដៃគេ បានសម្រេចរួចគេចខ្លួនជាច្រើនម៉ោង
ហេតុការណ៍ឃាត់ខ្លួនជនសង្ស័យនេះបានធ្វើឡើងកាលពីវេលាម៉ោង២និង០០រសៀល ថ្ងៃទី៩ ខែកញ្ញា ឆ្នាំ២០១៩ ។
សមត្ថកិច្ចបានឲ្យដឹងថា ជនសង្ស័យមានឈ្មោះ សឿង សំណាង ភេទប្រុស អាយុ១៧ឆ្នាំមានទីលំនៅ ភូមិអាលាំង ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ។
សមត្ថកិច្ចបន្តថា កាលពីវេលាម៉ោង១២និង១០នាទីរំលងអាធ្រាតឈានចូលថ្ងៃទី៩ខែកញ្ញាឆ្នាំ២០១៩ជនសង្ស័យបានធ្វើសកម្មភាព លួចម៉ូតូម៉ាកHonda CBRពណ៌ក្រហម គ្មាន ស្លាកលេខ១គ្រឿងនិងទូរស័ព្ទដៃម៉ាក IPhone 5 ពណ៌សមួយគ្រឿងពីឈ្មោះ សុខ ពិសិដ្ឋ នៅចំណុចផ្ទះរបស់ជនរងគ្រោះ នៅភូមិអូរ ឃុំពន្លៃ ស្រុកបរិបូណ៌ខេត្តកំពង់ឆ្នាំង។ បន្ទាប់មកជនសង្ស័យគេចខ្លួនបាត់ ត្រូវបានកម្លាំងសមត្ថកិច្ច ធ្វើការស្រាវជ្រាវចាប់ខ្លួនបានតែម្ដង ។
បច្ចុប្បន្នជនសង្ស័យត្រូវបានសមត្ថកិច្ចធ្វើការ សាកសួរនិងកសាងសំណុំរឿងបញ្ជូនទៅស្នងការដ្ឋានខេត្តកំពង់ឆ្នាំង ចាត់ការតាមនីតិវិធីច្បាប់ ៕
