សមត្ថកិច្ចស្រុកសំរោងទង ឃាត់ខ្លួនជនសង្ស័យ៥នាក់ដកហូតថ្នាំញៀន១៧កញ្ចប់
កំពង់ស្ពឺ៖ កម្លាំងនគរបាល ស្រុកសំរោងទងឃាត់ខ្លួនជនសង្ស័យ ជាមុខសញ្ញាជួញដូរនិងរក្សាប្រើប្រាសនូវសារធាតុញៀនខុសច្បាប់ចំនួន៥នាក់ ៖ ការឃាត់ខ្លួននេះធ្វើឡើងកាលពីវេលាម៉ោង១២និង៣០នាទីរសៀលថ្ងៃទី១០ខែកញ្ញាឆ្នាំ២០១៩ នៅចំណុចភូមិសៅកែ ឃុំ រលាំងចក ស្រុកសំរោងទង ខេត្តកំពង់ស្ពឺ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនរួមមាន ៖ ទី១-ឈ្មោះ ណន ទូម៉េង ភេទប្រុសអាយុ២៣ឆ្នាំ រស់នៅភូមិសៅកែ ឃុំរលាំងចក ស្រុកសំរោងទង ខេត្តកំពង់ស្ពឺ។
ទី២-ឈ្មោះ ស៊ូ សឺ ភេទប្រុសអាយុ២៧ឆ្នាំ រស់នៅភូមិសៅកែ ឃុំរលាំងចក ស្រុកសំរោងទង ខេត្តកំពង់ស្ពឺ ។
ទី៣-ឈ្មោះ កែវ សីហូ ភេទប្រុសអាយុ២៦ឆ្នាំរស់នៅភូមិពោធិ ឃុំរលាំងចក ស្រុកសំរោងទង ខេត្តកំពង់ស្ពឺ ។
ទី៤-ឈ្មោះ នួន ឡុង ភេទប្រុស ២៤ឆ្នាំ រស់នៅភូមិអណ្ដូងប្រេង ឃុំរលាំងចក ស្រុកសំរោងទង ខេត្តកំពង់ស្ពឺ ។
ទី៥-ឈ្មោះ ជិប ណារ៉ុង ភេទប្រុសអាយុ២៧ឆ្នាំ រស់នៅភូមិអណ្ដូង ប្រេង ឃុំរលាំងចក ស្រុកសំរោងទង ខេត្តកំពង់ស្ពឺ ។
សមត្ថកិច្ចបន្តថា ចំណែកវត្ថុតាងដកហូតរួមមាន៖ ថ្នាំញៀន ១៧កញ្ចប់ ជញ្ជីងថ្លឹងអេឡិចត្រូនិក មួយគ្រឿង ទូរសព្ទ័ដៃ៥គ្រឿង សម្ភារ ប្រើប្រាស់មួយចំនួន។
បច្ចុប្បន្ន ជនសង្ស័យត្រូវបានសាកសួរនៅអធិការដ្ឋាននគរបាលស្រុក ដេីម្បីបញ្ជូនទៅការិយាល័យជំនាញខេត្ត កសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ការតាមនីតិវិធីច្បាប់៕
