បើករថយន្តលឿនខ្វះការប្រុងប្រយត្ន័ជ្រុលបុកសួនច្បារចែកផ្លូវបន្តបុកជញ្ជាំងផ្ទះប្រជាពលរដ្ឋ បន្ថែមទៀត
ភ្នំពេញ៖ បុរសម្នាក់ស្រវឹងស្រាបើករថយន្តបុកឃឿនសួនច្បារចែកផ្លូវ បន្តបុកចូលផ្ទះប្រជាពលរដ្ឋធ្លុះជញ្ជាំងទៅមុខលែងរួច
គ្រោះថ្នាក់ចរាចរណ៍នេះបានកើតឡើងនៅវេលាម៉ោង១២ និង៣០នាទីរំលងអធ្រាតចូលថ្ងៃទី១២ខែកញ្ញាឆ្នាំ២០១៩នៅតាមបណ្ដោយផ្លូវ២១៧ ចំនុចមុខផ្សារស្ទឹងមានជ័យចាស់ សង្កាត់ស្ទឹងមានជ័យ២ ខណ្ឌមានជ័យ ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿងម៉ាកហាយឡែនឌ័រ ពណ៌ទឹកមាស គ្មានស្លាកលេខ បើកបរដោយបុរសម្នាក់ រួមដំណើរជាមួយបុរស ម្នាក់ទៀតសង្ស័យស្រវឹងស្រា បានធ្វើដំណើរតាមបណ្ដោយផ្លូវ២១៧ ទិសដៅពីលិចទៅកើតក្នុងល្បឿនលឿនដូច ហោះ ខណៈមកដល់ចំណុចកើតហេតុស្រាប់តែរថយន្តរេចង្កូតមកខាងឆ្វេងជ្រុលទៅបុកឃឿនសួនច្បារចែកផ្លូវ រួចបន្តផ្លោងទៅបុកជញ្ជាំងផ្ទះលក់ទូរសព្ទ័ របស់ប្រជាពលរដ្ឋ បណ្ដាលឲ្យធ្លាយជញ្ជាំងចូលក្បាលរថយន្តមួយកំណាត់សំណាងល្អមិនមានអ្នករងរបួស ។
ក្រោយកើតហេតុ សមត្ថកិច្ចមូលដ្ឋាននិងជំនាញចរាចរណ៍មកវាស់វែងយករថយន្តបង្កទៅរក្សាទុកនៅការិយាល័យចរាចរណ៏ផ្លូវគោក រាជធានីភ្នំពេញ រងចាំដោះស្រាយតាមផ្លូវច្បាប់នៅពេលក្រោយ ៕
