សមត្ថកិច្ចជំនាញឃាត់ខ្លួនមេក្លោងជួញដូរគ្រឿងញៀនម្នាក់រួមនិងថ្នាំញៀនជិត៤គីឡូនៅខណ្ឌសែនសុខ
ភ្នំពេញ៖ កម្លាំងជំនាញ(ក១១)មន្ទីរប្រឆាំងបទ ល្មើសគ្រឿងញៀន បានឆ្មក់បង្ក្រាបនិងឃាត់ខ្លួនជនសង្ស័យជាមេក្លោងជួញដូរគ្រឿងញៀនម្នាក់ ដកហូតបានថ្នាំញៀន(ជិត៤គីឡូក្រាម)។
ប្រតិបត្តិការបង្ក្រាបនេះបានធ្វើឡើងកាលពីថ្ងៃទី១០ ខែកញ្ញា ឆ្នាំ២០១៩ នៅចំណុចផ្លូវលំ ផ្ទះគ្មានលេខ បន្ទប់លេខ៩ ភូមិស្លែងរលើង សង្កាត់អូរបែកក្អម ខណ្ឌសែនសុខ ។
ជនសង្ស័យជាមេក្លោងគ្រឿងញៀន ដែលកម្លាំងសមត្ថកិច្ចឃាត់ខ្លួនមានឈ្មោះ យ៉េន ជឿន ភេទប្រុស អាយុ២៩ឆ្នាំ ជនជាតិខ្មែរ
សមត្ថកិច្ចឲ្យដឹងថា ក្រោយពេលឃាត់ខ្លួនជនសង្ស័យជាមេក្លោង ជួញដូរគ្រឿងញៀនកម្លាំង ជំនាញបានដកហូតរួមមានទី១៖មេតំហ្វេតាមីន (ICE) ទម្ងន់ ៣២៥៤.៣១ក្រាម ,ទី២៖ កេតាមីន ទម្ងន់៣៤៦ក្រាម៣៥, ទី៣៖ អ៊ិចស្តាស៊ី (MDMA)ទម្ងន់ ២៥៣.២៣ក្រាម សរុបទាំងអស់មានទម្ងន់ ៣៨៥៣ក្រ.៨៩។
បច្ចុប្បន្ន ជនសង្ស័យរួមនិងវត្ថុតាងត្រូវបានសមត្ថកិច្ចកសាងសំណុំរឿងដើម្បីបញ្ជួនទៅតុលាការចាត់ការបន្តតាមច្បាប់៕
