រថយន្តធន់ធំ២គ្រឿងសាកកម្លាំងរបួសធ្ងន់និងស្រាល២នាក់
កោះកុង៖ រថយន្តធន់ធំកុងទីន័រសាកកម្លាំងគ្នាជាមួយរថយន្តបែនដឹកដីរងការខូចខាតយ៉ាងដំណំ ដោយឡែកអ្នកបើកបរ និងព្រួរថយន្តបែនម្នាក់រងរបួសធ្ងន់និងស្រាល
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីម៉ោង០១និង៤០នាទីរសៀលថ្ងៃទី១៥ ខែមិថុនា ឆ្នាំ២០១៨ នៅលើកំណាត់ផ្លូវជាតិលេខ៤ ត្រង់ចំណុចចន្លោះគីឡូម៉ែត្រលេខ ១៤៧-១៤៨ ស្ថិតនៅភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង ។
អ្នកបើករថយន្តកុងទីន័រមាន ឈ្មោះ តុប សុជាតិ ភេទប្រុស អាយុ២៣ឆ្នាំស្នាក់នៅកន្លែងក្រុមហ៊ុន ហុងលីហួរ ។ ដោយ ឡែកតៃកុងរថយន្តបែនមានឈ្មោះ វែន គង្គារ ភេទប្រុស អាយុ២៨ឆ្នាំ រស់នៅស្រុកសំរោងទង ខេត្តកំពង់ស្ពឺ របួស ស្រាលនិងព្រូបានរងរបួសធ្ងន់ ។
បើតាមប្រភពនៅកន្លែងកើតហេតុបានឲ្យដឹងថា មុនពេលកើតហេតុរថយន្តកុងទីន័រ របស់ក្រុមហ៊ុន ឈ្មោះ តុប សុជាតិ ភេទប្រុស អាយុ២៣ឆ្នាំ រស់នៅក្រុមហ៊ុនខាងលើរពាក់ ស្លាកលេខ ព្រះសីហនុ 3A-1367 បើកបរតាមបណ្ដោយផ្លូវជាតិលេខ៤ ទិសដៅពីភ្នំពេញទៅខេត្តព្រះសីហនុ ខណៈ មកដល់ចំណុចកើតហេតុក៏មានរថយន្តបែនដឹកដីមួយគ្រឿងពាក់ស្លាក់លេខចង្កូតស្តាំKPS 0427 បើកបរបញ្ច្រាសទិសដៅគ្នាក៏ស្រាប់តែបុកគ្នាពេញទំហឹងលឺសូដូចរន្ទះ បណ្ដាល ឲ្យអ្នកបើករថយន្តបែនរួមទាំងព្រូម្នាក់ទៀតបានរងរបួសធ្ងន់និងស្រាល ភ្លាមៗត្រូវបានបញ្ជួនទៅព្យាបាលនៅមន្ទីរពេទ្យ បង្អែកស្រុកស្រែអំបិលផងដែរ ។
ក្រោយពេលកើតហេតុសមត្ថកិច្ចជំនាញចរាចរណ៍ចុះមកធ្វើ ការវាស់វែងស្ទួចយករថយន្តទាំង២គ្រឿងទៅរក្សាទុកនៅអធិការស្រុកស្រែអំបិលរងចាំដោះស្រាយនៅពេលក្រោយ៕
