ស្រវឹងស្រាបើករថយន្តលឿនមិនប្រយត្ន័ក្រឡាប់ស្លាប់ម្នាក់និងរបួសធ្ងន់ស្រាល៦នាក់

ត្បូងឃ្មុំ៖ យ៉ាងហោចណាស់កម្មករម្នាក់បានស្លាប់និង៦នាក់ទៀត របួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍រថយន្ត ក្រឡាប់​ កាលពីវេលាម៉ោង០៣និង២០នាទី​រសៀលថ្ងៃទី១៦ខែកញ្ញាឆ្នាំ២០១៩​ នៅ​ចំនុច​ភូមិមេមង ឃុំមេមង ស្រុកមេមត់​ ខេត្តត្បូង​ឃ្មុំ

សមត្ថកិច្ចបានឲ្យដឹងថារថយន្តជួបគ្រោះថ្នាក់ ម៉ាកហ៊ីយ៉ាន់ដាយ (HYUNDAI)ពណ៌​លឿង​គ្មានស្លាកលេខ បេីកបរដោយ ឈ្មោះ យូ ប៊ុនណា ភេទប្រុស អាយុ៣៤ឆ្នាំ ជនជាតិខ្មែរ រស់នៅភូមិថ្មីលេី ឃុំព្រះធាតុ ស្រុកអូររាំងឪ ខេត្តត្បូងឃ្មុំ ។

សមត្ថកិច្ចបានបន្តថា អ្នករងគ្រោះជាកម្មករ​លេីក អុសកៅស៊ូដាក់​ រថយន្តដែលមានទី១៖​ ឈ្មោះ ជា គាង ភេទស្រី អាយុ២៦ឆ្នាំ ជាតិខ្មែរ រស់នៅភូមិឡ ឃុំក្រែកស្រុកពញាក្រែក (ស្លាប់នៅកន្លែងកេីតហេតុ)។ ទី២ ឈ្មោះ សុី ឡានី ភេទស្រី អាយុ៧ឆ្នាំ ជាតិខ្មែរ រស់នៅ​ភូមិ/ឃុំជាមួយគ្នា របួសស្រាល ត្រូវជាកូន​បង្កេីតសព ទី៣ឈ្មោះសុខ យ៉ាត ភេទស្រី អាយុ៥៥ឆ្មាំ ជាតិខ្មែរ រស់នៅភូមិ/ឃុំជាមួយគ្នា របួសស្រាល ត្រូវជាម្ដាយបង្កេីតសព។ ទី៤ឈ្មោះ តឿ អ៊ាន ភេទស្រី អាយុ៣៣ឆ្នាំ ជាតិខ្មែរ រស់នៅភូមិ/ឃុំជាមួយគ្នា របួសធ្ងន់។ ទី៥ឈ្មោះ រី ធា ភេទប្រុស អាយុ៣៧ឆ្នាំ ជាតិខ្មែរ រស់នៅភូមិ/ឃុំជាមួយគ្នា របួសធ្ងន់។ ទី៦ឈ្មោះ យ៉ាត ភេទស្រី អាយុ៣៧ឆ្នាំ ជន​ជាតិខ្មែរ រស់នៅភូមិ/ឃុំជាមួយគ្នា របួស​ស្រាល និងទី៧ឈ្មោះ ថា គ្រៀម ភេទស្រី អាយុ២២ឆ្នាំជនជាតិខ្មែរ រស់នៅភូមិថ្នល់កែង​ ឃុំត្រពាំងផ្លុងស្រុកពញាក្រែករបួសស្រាល។

សមត្ថកិច្ចឲ្យដឹងបន្ថែមទៀតថា​ មូលហេតុ​បណ្ដាលឲ្យកេីតមានគ្រោះថ្នាក់​ចរាចរណ៍ រហូតមានមនុស្ស ស្លាប់និងរបួសបណ្តាលមកពីអ្នកបេីកបរក្នុងស្ថានភាពស្រវឹង ហើយ បានប្រេីប្រាស់ល្បឿនលឿនទៀតផង ។ លុះមកដល់ចំណុចផ្លូវកោង បានរេចង្កូតធ្លាក់ទៅជាយផ្លូវបណ្ដាលអោយក្រឡាប់តែម្ដង។
សម្ថកិច្ចបន្តទៀតថា​ ក្រោយកើតហេតុសពជនរងគ្រោះ​ ត្រូវបានជំនាញប្រគល់ជូនក្រុមគ្រួសារ ដេីម្បីយកទៅធ្វេីបុណ្យតាមប្រពៃណី។ ចំពោះអ្នករបួស ត្រូវបានបញ្ជូនទៅ​សង្គ្រោះនៅមន្ទីរពេទ្យបង្អែក ស្រុកមេមត់។

បច្ចុប្បន្ន នគរបាលជំនាញ បានឃាត់ខ្លួនអ្នក​បេីកបររថយន្ត ដើម្បីកសាងសំណុំរឿង ចាត់ការតាមនីតិវិធី ៕