ឃ្លាំងស្តុបកម្ទិចក្រណាត់ របស់រោងចក្រ ឌីន លីង ហ្គាមុិន ត្រូវអគ្គីភ័យឆាបឆេះ
ភ្នំពេញ៖ អគ្គីភ័យបានឆាបឆេះឃ្លាំងស្តុប កម្ទិចក្រណាត់ នៅក្នុងរោងចក្រ ឌីន លីង ហ្គាមុិន ឯ.ក សន្ធោសន្ធៅបង្កការភ្ញាក់ផ្អេីលកាលពីវេលាម៉ោង១០និង៣០នាទីយប់ថ្ងៃទី១៨ខែកញ្ញាឆ្នាំ២០១៩ នៅចំណុចខាងក្រោយផ្សារជម្ពូវ័ន្ត តាមបណ្តោយផ្លូវបេតុង ភូមិជម្ពូវ័ន្ត៣ សង្កាត់ចោមចៅទី៣ ខណ្ឌពោធិ៍សែនជ័យ ។
សមត្ថកិច្ចបានឲ្យដឹងថា ឃ្លាំងស្តុបកម្ទិចក្រណាត់ ដែលអគ្គីភ័យឆាបឆេះមានទំហំ៤ម៉ែត្រ គុណនិង៧ម៉ែត្រ ជញ្ជាំងថ្ម ប្រក់ស័ង្កសី នៅក្នុងរោងចក្រ ឈ្មោះ ឌីន លីង ហ្គាមុិន ឯ.ក ។
តាមប្រភពព័ត៌មានពីប្រជាពលរដ្ឋនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញមានផ្សែងហ៊ុយចេញពីក្នុងឃ្លាំងស្តុបកម្ទិចក្រណាត់ រួចបង្កជាអគ្គីភ័យឆាបឆេះ ភ្លាមៗនោះ ប្រជាពលរដ្ឋ និងជនជាតិចិនបាន នាំគ្នាយកបំពុងពន្លត់អគ្គីភ័យមកបាញ់អស់ជាច្រើន បំពុង ថែមទាំងយកធុងមកដងទឹកជះនៅតែមិនរលត់ ក៏បានរាយការណ៍ទៅសមត្ថកិច្ច មូលដ្ឋាន ចេញរថយន្តពន្លត់អគ្គិភ័យជាច្រេីនគ្រឿងមកអន្តរាគមន៍បាញ់ពន្លត់មិនអោយឆេះរាលដាលបន្ត ។
លោកវរៈសេនីយ៍ឯក ព្រហ្ម យ៉ន នាយការិយាល័យ នគរបាល បង្ការពន្លត់អគ្គិភ័យ បានឲ្យដឹងថា បន្ទាប់ពីទទួលបាន ថាមានអគ្គីភ័យ កម្លាំងនគរបាល បង្កា និង ពន្លត់អគ្គីភ័យ បានចេញរថយន្តបាញ់ទឹកចំនួន៧គ្រឿងមកដល់កន្លែងកើតហេតុ ជួយបាញ់ពន្លត់ រហូតដល់វេលាម៉ោង១១និង៣០នាទីយប់ នៅថ្ងៃដដែលទេីបអគ្គិភ័យរលត់ទាំងស្រុង ។
ក្រោយកើតហេតុសមត្ថកិច្ច បានបញ្ជាក់ថា មូលហេតុបណ្ដាលឲ្យឆាបឆេះមកពីឆ្លងចរន្តអគ្គីសនី ចំពោះការខូចខាតអស់កម្ទិចក្រណាត់ មួយឃ្លាំង តែមិនបណ្តាលឲ្យឆេះរាលដាលដល់អាគារ ផ្សេងៗទៀតនោះទេនិងមិន មាន នណារងរបួសនោះទេ៕
