ឃាត់ខ្លួនជនសង្ស័យម្នាក់បន្ទាប់ពីផ្លោះរបងផ្ទះប្រជាពលរដ្ឋចូល ប៉ងលួចទ្រព្យសម្បត្តិ
ភ្នំពេញ៖ ជនសង្ស័យម្នាក់ត្រូវប្រជាពលរដ្ឋចាប់ប្រគល់ឲ្យសមត្ថកិច្ច បន្ទាប់ពីធ្វើសកម្មភាពផ្លោះរបងផ្ទះពលរដ្ឋចូលប៉ងលួចទ្រព្យ សម្បត្តិ
ហេតុការណ៍ភ្ញាក់ផ្អើលនេះកើតឡើងកាលពីវេលាម៉ោង១ និង៥០នាទី រំលងអាធ្រាត្រចូលថ្ងៃទី១៩ ខែកញ្ញា ឆ្នាំ២០១៩ នៅក្បែរបន្ទាយPMលើផ្ទៃប្រទេស តាមបណ្ដោយផ្លូវ៥២៨ ស្ថិតក្នុងសង្កាត់បឹងកក់២ ខណ្ឌទួលគោក ។
ជនសង្ស័យមានឈ្មោះ ស ចាន់តារា អាយុ៤០ឆ្នាំមុខរបរមិនពិតប្រាកដ ស្នាក់នៅសង្កាត់ទួលសង្កែ ខណ្ឌឫស្សីកែវ ។
យោងតាមប្រភពពីប្រជាពលរដ្ឋបានឲ្យដឹងថា នៅពេលកើតហេតុ ជនសង្ស័យបានធ្វើសកម្មភាពផ្លោះរបងផ្ទះប្រជាពលរដ្ឋសង្ស័យមានបំណងនងលួចទ្រព្យសម្បត្តិ តែត្រូវពួកគាត់ឃើញក៏ស្រែកថា ចោរៗធ្វើឲ្យជនសង្ស័យភ័យ រត់បានប្រហែល៥០០ម៉ែត្រត្រូវប្រជាពលរដ្ឋចាប់បាន ។
ក្រោយមកក៏បានទាក់ទងទៅសមត្ថកិច្ច ប៉ុស្តិ៍នគរបាលបឹងកក់២ មកនាំយកទៅធ្វើការសួរនាំនិងកសាងសំណុំរឿងចាត់ការតាមច្បាប់៕
