បេីករថយន្តមិនប្រយត្ន័បុកបង្កាន់ដៃស្ពានក្រឡាប់ផ្ងារជេីងម្ខាងរបួសធ្ងន់និងស្រាល២នាក់
ភ្នំពេញ៖ បុរស២នាក់រងរបួសធ្ងន់និងស្រាល បន្ទាប់ពីបើករថយន្តមិនប្រយត្ន័ជ្រុលទៅបុកបង្កាន់ដៃស្ពាន ដាច់កង់រថយន្តខាងមុខមួយចំហៀងក្រឡាប់ផ្ងារជេីងម្ខាង បង្កការភ្ញាក់ផ្អើលដល់ប្រជាពលរដ្ឋ កាលពីវេលាម៉ោង១០និង២០នាទីយប់ថ្ងៃទី១៩ខែកញ្ញាឆ្នាំ២០១៩ នៅតាមបណ្ដោយផ្លូវលេខ៣៦៩ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ ។
តាមប្រភពពីប្រជាពលរដ្ឋ នៅកន្លែងកើតហេតុបានឲ្យដឹងថា នៅមុនពេលកេីតហេតុគេឃើញរថយន្តបង្កម៉ាក តាកូម៉ា មួយគ្រឿង ពណ៍ទឹកប្រាក់ ពាក់ស្លាកលេខ ត្បូងឃ្មុំ 2A-7313 បេីកបរដោយបុរសម្នាក់និងអ្នករួមដំណេីរម្នាក់ទៀត សង្ស័យស្រវឹងស្រាបើកតាមបណ្ដោយផ្លូវ៣៦៩ ទិសដៅពីត្បូងទៅជើង លឿនដូចហោះ ខណៈមកដល់ចំណុចកេីតហេតុស្រាប់តែរេចង្កូតទៅបុកនិងបង្កាន់ដៃស្ពានបណ្ដាលឲ្យរថយន្ដដាច់កង់មុខខាងស្ដាំមួយចំហៀងអូសប្រហែលជាង២០ម៉ែត្រក្រឡាប់ផ្ងារជេីងម្ខាងរងការខូចខាតយ៉ាងដំណំ ។ ចំណែកអ្នកបើកបរនិងអ្នករួមដំណើររបួសធ្ងន់និងស្រាលត្រូវបានសាច់ញាតិដឹកតាមរថយន្តយកទៅសង្គ្រោះនៅមន្ទីពេទ្យ ។ ដោយឡែកឯបង្កាន់ដៃស្ពានរងការខូចខាតតិចតួច ។
ក្រោយកេីតហេតុសមត្ថកិច្ចបានចុះទៅដល់ធ្វើការវាស់វែង ស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយតាមច្បាប់ ៕
